MI VS SRH : 1,W,0,0,W,0.. एक रनसाठी मुंबईची धावाधाव, हार्दिकनंतर नमनही आउट, शेवटी तिलकने मारला विजयी चौकार

MI VS SRH Match Highlights : मुंबई इंडियन्स विरुद्ध सनरायजर्स हैदराबाद सामन्यात मुंबईचा विजय झाला आहे. घरच्या स्टेडियमवर मुंबईने हैदराबादला पछाडले आहे. आयपीएल २०२५ मधला हा मुंबईचा तिसरा विजय आहे. या विजयामुळे मुंबईच्या गुणांमध्ये वाढ झाली आहे. शिवाय नेटरनरेटमध्येही सुधारणा झाली आहे.

वानखेडे स्टेडियमवर मुंबई इंडियन्स विरुद्ध सनरायजर्स हैदराबाद या सामन्यात मुंबई इंडियन्सचा कर्णधार हार्दिक पंड्याने टॉस जिंकला आणि प्रथम गोलंदाजी करण्याचा निर्णय घेतला. त्यानंतर हैदराबाद संघाचे खेळाडू फलंदाजीसाठी मैदानामध्ये उतरले. त्यांनी २० ओव्हर्समध्ये एकूण १६२ धावा केल्या. हे आव्हान पेलावत मुंबईने १६६ धावा केल्या आणि सामना जिंकला.

त्यानंतर मुंबईचे खेळाडू फलंदाजी करण्यासाठी आले. रोहित शर्माने २६ धावा केल्या. रायन रिकल्टनने २६ धावा केल्या. दरम्यान विल जॅक्स आणि सूर्यकुमार यादव यांनी खेळ पुढे नेला. जॅक्स ३६ धावांवर, तर सूर्या २६ धावांवर बाद झाला. त्यानंतर तिलक वर्मा आणि कर्णधार हार्दिक पंड्या यांनी मोर्चा सांभाळला. हार्दिक पंड्याने २१ धावा केल्या. शेवटच्या ओव्हरमध्ये अजबगजब ट्विस्ट पाहायला मिळाला. १ धाव बाकी असताना आधी हार्दिक पंड्या बाद झाला. त्यानंतर नमन धीरची विकेट पडली. शेवटच्या ओव्हरमध्ये झालेल्या ड्राम्यानंतर शेवटी तिलक वर्माने चौकार मारुन सामना मुंबईला जिंकवून दिला.

मुंबई इंडियन्सची प्लेईंग ११ -

रायन रिकल्टन, विल जॅक्स, सूर्यकुमार यादव, तिलक वर्मा, हार्दिक पंड्या (कर्णधार), नमन धीर, मिचेल सँटनर, दीपक चहर, ट्रेंट बोल्ड, जसप्रीत बुमराह, कर्ण शर्मा.

सनरायजर्स हैदराबादची प्लेईंग ११ -

अभिषेक शर्मा, ट्रेव्हिस हेड, इशान किशन, नितीश कुमार रेड्डी, हेनरिक क्लासेन, अनिकेत वर्मा, पॅट कमिन्स (कर्णधार), मोहम्मद शमी, हर्षल पटेल, ईशान मलिंगा, झीशान अन्सारी.