MI VS PBKS IPL 2023: सर्वात महागड्या खेळाडूने केली मुंबईची धुलाई; पंजाबची २१४ धावांपर्यंत मजल

MI VS PBKS IPL 2023: मुंबई इंडियन्स आणि पंजाब किंग्स संघादरम्यान यंदाच्या आयपीएलच्या हंगामाचा ३१ वा सामना खेळला जात आहे. या सामन्यात मुंबईने नाणेफेकी जिंकून प्रथम गोलंदाजी करण्याच्या निर्णय घेतला. मुंबईच्या वानखेडे स्टेडियमवर प्रथम फलंदाजीसाठी उतरलेल्या पंजाबच्या संघाने तुफान फलंदाजी केली. पंजाबच्या संघाने मुंबई इंडियन्सला २१५ धावांचे आव्हान दिलं आहे. (Latest Marathi News)

पंजाब किंग्सने पहिल्या षटकात ५ धावा कुटल्या. पंजाबला मॅथ्यूला ११ धावांवर बाद झाला. पीयूष चावलाने झेलबाद केले. त्यानंतर संघ दबावात आला. मॅथ्यू बाद झाल्यानंतर प्रभसिमरन सिंहने डाव सांभाळला. मात्र, अवघ्या २६ धावा करत प्रभासिमरन माघारी परतला. अर्जुन तेंडुलकरने प्रभासिमरनला बाद केले.

मुंबईने पंजाबला लिव्हिंगस्टोनच्या रुपाने तिसरा धक्का दिला. लिव्हिगस्टोनने अवघ्या १० धावा कुटल्या. अथर्व तायडेच्या रुपात पंजाबला चौथा धक्का बसला. अथर्व तायडे २९ धावा करत तंबूत परतला. अथर्वने ३ चौकार आणि १ षटकार लगावला.

हरप्रित आणि सॅम खेळपट्टीवर असताना १२ षटकात ८९ धावा झाल्या होत्या. दोघांनी संघाची कमान सांभाळण्याचा पुरेपूर प्रयत्न केला. मात्र, १७ व्या षटकात हरप्रीत ४१ धावांवर बाद झाला. हरप्रीत आणि सॅमने ९२ धावांची भागिदारी केली.

मुंबई इंडियन्सच्या जोफ्रा आर्चरने सॅमला ५५ धावांवर बाद केले. तर जितेशला बेहरनडॉर्फने बाद केले. पंजाब किंग्सने २० षटकात २१४ धावा कुटल्या. त्यामुळे पंजाबने मुंबईला जिंकण्यासाठी २०१५ धावांचे आव्हान दिले आहे. शेवटच्या काही षटकात जितेश शर्मा आणि हरप्रीत भाटियाने संघासाठी मोठं योगदान दिलं.