Lionel Messi Cried: लाईव्ह सामन्यात मेस्सी ढसाढसा रडला! संघाचा विजय नव्हे, तर हे होतं कारण - VIDEO

कोपा अमेरिका स्पर्धेतील फायनलमध्ये अर्जेंटीना आणि कोलंबो या दोन्ही संघांनी प्रवेश केला होता. संपूर्ण स्पर्धेत दमदार कामगिरी करुन दोन्ही संघांनी फायनलमध्ये प्रवेश केला. मात्र फायनलच्या सामन्यात लिओनेल मेस्सीला अर्जेंटीनाच्या विजयात योगदान देता आलं नाही. सामन्यावेळी त्याला दुखापतीमुळे मैदानाबाहेर राहावं लागलं. दरम्यान मैदानाबाहेर असताना तो ढसाढसा रडू लागला. ज्याचा व्हिडिओ सध्या सोशल मीडियावर तुफान व्हायरल होत आहे.

फायनलमध्ये लिओनेल मेस्सी दुखापतग्रस्त

या सामन्यातील दुसऱ्या हाल्फमध्ये मेस्सी दुखापतग्रस्त झाला होता. त्यामुळे त्याला मैदान सोडावं लागलं. ज्यावेळी तो मैदानाबाहेर गेला त्यावेळी दोन्ही संघांनी खातं उघडलं नव्हतं. ज्यावेळी ही घटना घडली, त्यावेळी तो मैदानावरच झोपला. त्याची दुखापत ही गंभीर होती. दुखापतग्रस्त होताच सामना थांबवावा लागला. त्यानंतर मेस्सीला मैदान सोडावं लागलं, त्याच्याऐवजी बदली खेळाडू म्हणून निकोलस गोंजालेजला मैदानात उतरवण्यात आलं.

मैदानाबाहेर असताना ढसाढसा रडला

लिओनेल मेस्सीची दुखापत गंभीर होती. मैदानात फिजिओ आले आणि त्यांनी त्यांची दुखापत पाहिली. त्यांनी आइसपॅक लावला. त्याचा पाय सुजला होता. त्यामुळे तो मैदानात उतरु शकला नव्हता. आपल्या संघाच्या विजयात तो योगदान देऊ शकत नव्हता. त्यामुळे त्याला अश्रू अनावर झाले होते. दुखापतग्रस्त झाल्यानंतर तो पूर्ण सामन्यात मैदानात उतरु शकला नाही.

अर्जेंटीनाचा शानदार विजय

या सामन्यात दोन्ही संघांमध्ये चुरशीची लढत पाहायला मिळाली. सामन्यावेळी दोन्ही संघातील खेळाडूंना एकही गोल करता आला नाही. त्यामुळे हा सामना एक्स्ट्रा टाइममध्ये गेला. शेवटी एक्स्ट्रा टाईममध्ये अर्जेंटीनाने १ गोल केला आणि या ट्रॉफीवर नाव कोरलं.