KKR vs SRH, IPL 2024 Winner: गंभीरचा पायगुण KKR साठी ठरला लकी! हैदराबादला नमवत तिसऱ्यांदा कोरलं IPL ट्रॉफीवर नाव

कोलकाता नाईट रायडर्सचा (Kolkata knight riders)संघ आयपीएल २०२४ (IPL 2024) स्पर्धेचा विजेता संघ ठरला आहे. या विजयासह कोलकाता नाईट रायडर्स संघाने तिसऱ्यांदा आयपीएलच्या ट्रॉफीवर नाव कोरलं आहे. चेन्नईतील चेपॉकच्या मैदानावर पार पडलेल्या या सामन्यात कोलकाता नाईट रायडर्स संघाला ११४ धावांची गरज होती. या धावांचा पाठलाग करताना कोलकाता नाईट रायडर्स संघाने सनरायझर्स हैदराबादचा एकतर्फी पराभव केला आहे.

हैदराबादने केल्या ११३ धावा

या सामन्यात सनरायझर्स हैदराबादने नाणेफेक जिंकला आणि प्रथम फलंदाजी करण्याचा निर्णय घेतला. मात्र त्याचा हा निर्णय पूर्णपणे चुकीचा ठरला. कारण हैदराबादचा संपूर्ण डाव अवघ्या ११३ धावांवर आटोपला. सनरायझर्स हैदराबादकडून प्रथम फलंदाजी करताना कर्णधार पॅट कमिन्सने सर्वाधिक २४ धावांची खेळी केली. तर एडेन मार्करमने २० धावा केल्या. तर अभिषेक शर्मा २, ट्रेविस हेड ०, राहुल त्रिपाठी ९, नितीश कुमार रेड्डी अवघ्या १३ धावा करत माघारी परतला. कोलकाता नाईट रायडर्स संघाच्या शानदार गोलंदाजीमुळे हैदराबादचा पहिला डाव अवघ्या ११३ धावांवर आटोपला. (SRH vs KKR IPL 2024 Final)

कोलकाता नाईट रायडर्स संघाला हा सामना जिंकण्यासाठी ११४ धावांची गरज होती. या धावांचा पाठलाग करताना. सुनील नरेन ६ धावा करत माघारी परतला. त्यानंतर रहमानुल्लाह गुरबाज आणि वेंकटेश अय्यर या दोघांनी मिळून कोलकाता नाईट रायडर्स संघाला विजय मिळवून दिला.

आयपीएल स्पर्धेतील फायनलच्या इतिहासातील सर्वात कमी धावसंख्या

सनरायझर्स हैदराबाद या संघाने संपूर्ण हंगामात वादळी सुरुवात केली. या हंगामात त्यांनी आयपीएल स्पर्धेच्या इतिहासातील सर्वोच्च धावसंख्या उभारली. दरम्यान याच हंगामात त्यांच्या नावे नकोशा विक्रमाची नोंद झाली आहे. फायनलमध्ये सर्वात कमी धावा करण्याचा रेकॉर्ड हा सनरायझर्स हैदराबादच्या नावावर नोंदवला गेला आहे. यापूर्वी हा विक्रम मुंबई इंडियन्सच्या नावावर होता. मुंबई इंडियन्सने. चेन्नईविरुद्ध झालेल्या फायनलमध्ये मुंबईने ९ गडी बाद १२५ धावा केल्या होत्या.