आयपीएल २०२४ स्पर्धेतील ४७ व्या सामन्यात कोलकाता नाईट रायडर्सचा संघ दिल्ली कॅपिटल्स संघासोबत दोन हात करताना दिसून येणार आहे. हा सामना कोलकाताच्या ईडन गार्डन्सच्या मैदानावर रंगणार आहे. गेल्या सामन्यात दिल्ली कॅपिटल्स संघाने मुंबई इंडियन्स संघावर १० धावांनी विजय मिळवला आहे. तर दुसरीकडे कोलकाता नाईट रायडर्स संघाला गेल्या सामन्यात पंजाब किंग्ज संघाकडून पराभवाचा सामना करावा लागला आहे. दरम्यान कसा राहिलाय दोन्ही संघांचा हेड टू हेड रेकॉर्ड? जाणून घ्या.
दोन्ही संघांच्या हेड टू हेड रेकॉर्डबद्दल बोलायचं झालं, तर दोन्ही संघ ३३ वेळेस आमने सामने आले आहेत. यादरम्यान दिल्ली कॅपिटल्स संघाने १५ सामन्यांमध्ये बाजी मारली आहे. तर कोलकाता नाईट रायडर्स संघाने १७ सामन्यांमध्ये बाजी मारली आहे. त्यामुळे दोन्ही संघांमध्ये झालेल्या सामन्यांमध्ये कोलकाता नाईट रायडर्सचा संघ आघाडीवर असल्याचं पाहायला मिळालं आहे. हा सामना कोलकाताच्या ईडन गार्डन्सवर रंगणार आहे.
त्यामुळे होम ग्राऊंडवर खेळण्याचा कोलकाता नाईट रायडर्स संघाला नक्कीच फायदा होईल. गुणतालिकेबद्दल बोलायचं झालं, तर कोलकाता नाईट रायडर्स संघाने ८ पैकी ५ सामने जिंकले आहेत. १० गुणांसह हा संघ गुणतालिकेत दुसऱ्या स्थानी आहे. तर दिल्ली कॅपिटल्स संघाने १० पैकी ५ सामने जिंकले असून १० गुणांसह सहाव्या स्थानी आहे.
या सामन्यासाठी अशी असू शकते दोन्ही संघांची प्लेइंग ११...
कोलकाता नाईट रायडर्स- फिल साल्ट (यष्टीरक्षक), सुनील नरेन, अंगकृष रघुवंशी, श्रेयस अय्यर (कर्णधार), वेंकटेश अय्यर, रिंकू सिंग, आंद्रे रसेल, वैभव अरोडा, दुष्मंथा चमीरा, वरुण चक्रवर्ती, हर्षित राणा.
इम्पॅक्ट प्लेअर- सुयश शर्मा, अनुकूल रॉय, मनीष पांडे, रमनदीप सिंग, रहमानुल्लाह गुरबाज
दिल्ली कॅपिटल्स- जेक फ्रेजर-मॅकगर्क, कुमार कुशाग्र, शाई होप,रिषभ पंत (यष्टीरक्षक/ कर्णधार ), ट्रिस्टन स्टब्स, अभिषेक पोरेल, अक्षर पटेल, कुलदीप यादव, लिजाद विलियम्स, मुकेश कुमार, खलील अहमद.
इम्पॅक्ट प्लेअर- रसिख दार सलाम, प्रवीण दुबे, विक्की ओस्तवाल, रिकी भुई, सुमित कुमार
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.