चेन्नई सुपर किंग्ज संघाने सनरायझर्स हैदराबादविरुद्ध झालेल्या सामन्यात ७८ धावांनी विजय मिळवला आहे. हा चेन्नईचा या हंगामातील पाचवा विजय ठरला आहे. या विजयासह चेन्नई सुपर किंग्ज संघाने गुणतालिकेत तिसऱ्या स्थानी झेप घेतली आहे. चेन्नईने आतापर्यंत १० सामने खेळले असून ५ सामने जिंकले आहेत. दरम्यान हा विजय अतिशय खास ठरला आहे.
चेन्नई सुपर किंग्जचा माजी कर्णधार एमएस धोनीने या सामन्यात इतिहास रचला आहे. यासह त्याच्या नावे एका मोठ्या रेकॉर्डची नोंद झाली आहे. हा रेकॉर्ड धोनी व्यतिरिक्त कुठल्याच खेळाडूला करता आलेला नाही. एमएस धोनी हा आयपीएल स्पर्धेत १५० सामने जिंकणारा एकमेव क्रिकेटपटू ठरला आहे. यापूर्वी कुठल्याच खेळाडूला असा कारनामा करता आलेला नाही.
एमएस धोनी २००८ पासून आयपीएल स्पर्धा खेळतोय. आतापर्यंत त्याने एकूण २५९ सामने खेळले आहेत. यादरम्यान तो १५० वेळेस विजेत्या संघाचा भाग राहिला आहे. तर त्याच्या वैयक्तिक कामगिरीबद्दल बोलायचं झालं तर, त्याने ३९.५३ च्या सरासरीने ५१७८ धावा केल्या आहेत. ज्यात २४ अर्धशतकांचा समावेश आहे. यादरम्यान ८४ धावा ही त्याची सर्वोत्तम खेळी आहे. यासह कर्णधार म्हणूनही तो सुपरहिट ठरला आहे. त्याच्या नेतृत्वाखाली खेळताना चेन्नई सुपर किंग्ज संघाने ५ वेळेस जेतेपदावर नाव कोरलं आहे.
चेन्नईचा विजय..
या सामन्याबद्दल बोलायचं झालं तर, सनरायझर्स हैदराबाद संघाने नाणेफेक जिंकला आणि प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या चेन्नई सुपर किंग्ज संघाला २० षटक अखेर २१२ धावा करता आल्या. या धावांचा पाठलाग करताना सनरायझर्स हैदराबाद संघाला १३४ धावा करता आल्या. हा सामना चेन्नईने ७८ धावांनी जिंकला.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.