IPL Mega Auction 2025 Live News: आज किती खेळाडूंचं नशीब चमकणार; कोणावर लागणार कोटींची बोली?

या लिलावात इंग्लंडचा अष्टपैलू खेळाडू सॅम करनही सहभागी होणार आहे. आयपीएल 2023 मध्ये करनला पंजाब किंग्जने विकत घेतलं होतं. यावेळीही सर्वांच्या नजरा या खेळाडूवर असणार आहेत.

पहिल्या दिवसाच्या लिलावानंतर दुसऱ्या दिवशी चेन्नई सुपर किंग्सकडे 15.60 कोटी रुपये, लखनऊ सुपर जायंट्सकडे 14.85 कोटी रुपये, दिल्ली कॅपिटल्सकडे 13.80 कोटी रुपये, कोलकाता नाइट रायडर्सकडे 10.05 कोटी रुपये बाकी असल्याची माहिती आहे.

लिलावाच्या पहिल्या दिवशी मुंबई इंडियन्स (MI) ने त्यांच्या टीममध्ये काही खेळाडूंचा समावेश केला. ज्यामध्ये त्यांनी नमन धीर, ट्रेंट बोल्ट, रॉबिन मिंज, कर्ण शर्मा यांना खरेदी केलंय.

भारतीय स्टार ऑलराऊंडर वॉशिंग्टन सुंदरला विकत घेण्यासाठी टीम जास्तीत जास्त पैसे खर्च करू शकतात. त्याचबरोबर शार्दुल ठाकूर, भुवनेश्वर कुमार, आकाश दीप यांच्यावरही कोटींची बोली लागू शकते.