आयपीएल २०२६ च्या २९ व्या सामन्यात पंजाब किंग्सने (पीबीकेएस) लखनौ सुपर जायंट्सचा (एलएसजी) ५४ धावांनी पराभव केला. न्यू चंदीगड येथील महाराजा यादवेंद्र सिंग आंतरराष्ट्रीय क्रिकेट स्टेडियमवर खेळल्या गेलेल्या या सामन्यात, पंजाबने प्रथम फलंदाजी करताना मोठी धावसंख्या उभारली होती त्यानंतर उत्कृष्ट गोलंदाजीचे प्रदर्शन करून विजय मिळवला.
या सामन्यात पंजाब किंग्सच्या फलंदाजांनी विक्रम बनवला. प्रियांश आर्य आणि कूपर कॉनोली यांनी लखनौ सुपर जायंट्सच्या गोलंदाजांची जबरदस्त धुलाई केली. मुल्लानपूर येथे खेळल्या गेलेल्या या सामन्यात पंजाब किंग्सने २५०+ धावांचा मोठा स्कोअर केला. यासोबतच एलएसजी विरुद्ध असे करणारा तो पहिला संघ ठरला आहे.
प्रियांश आर्या आणि कूपर कॉनॉली यांनी पंजाब किंग्ससाठी शानदार खेळी केली. त्यांनी दुसऱ्या विकेटसाठी अवघ्या ८० चेंडूंमध्ये १८२ धावांची स्फोटक भागीदारी केली. प्रियांशने अवघ्या ३७ चेंडूंमध्ये ९३ धावा ठोकल्या, तर कॉनॉलीने ४६ चेंडूंमध्ये ८७ धावा केल्या. यानंतर मार्कस स्टोइनिसने २९ धावा आणि शशांक सिंगने १७ धावा करून संघाची धावसंख्या २५४ धावांपर्यंत पोहोचवली.
आव्हानाचा पाठलाग करताना लखनौ सुपर जायंट्सने चांगली सुरुवात केली, पण विकेट पडत गेल्या. ऋषभ पंतने २३ चेंडूंमध्ये ४३ धावा केल्या, तर मिचेल मार्शने ४० धावा आणि आयुष बडोनीने ३५ धावांचे योगदान दिले. एडन मार्करामनेही ४२ धावांची खेळी केली, पण संघ २० षटकांत ५ गडी गमावून केवळ २०० धावाच करू शकला आणि ५४ धावांनी सामना हरला. पंजाबच्या गोलंदाजीत मार्को जॅनसेनने दोन बळी घेतले. अर्शदीप सिंग, युझवेंद्र चहल आणि विजयकुमार व्यासक यांनी प्रत्येकी एक बळी घेतला. लखनौकडून प्रिन्स यादव आणि मणिकरण सिद्धार्थ यांनी प्रत्येकी दोन बळी घेतले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.