IPL 2025 Mega Auction: श्रेयस अय्यरने इतिहास रचला! लागली IPL स्पर्धेच्या इतिहासातील सर्वात मोठी बोली

आयपीएल २०२५ स्पर्धेसाठीचा लिलाव सौदी अरेबियातील जेद्दाहमध्ये सुरु आहे. या लिलावात ५७४ खेळाडू खेळाडूंवर बोली लावली जाणार आहे. या लिलावात भारताचा स्टार फलंदाज श्रेयस अय्यरवर आतापर्यंतची ,सर्वात मोठी बोली लागली आहे. आयपीएल स्पर्धेच्या इतिहासात कुठल्यात खेळाडूला इतकी मोठी रक्कम मिळाली नव्हती पंजाब किंग्स संघाने श्रेयस अय्यरला २६.७५ कोटींची विक्रमी बोली लावत आपल्या संघात स्थान दिलं आहे.

श्रेयस अय्यर गेल्या हंगामात कोलकाता नाईट रायडर्स संघाकडून खेळताना दिसून आला होता. त्याच्या नेतृत्वाखाली खेळताना कोलकाताने आयपीएलची ट्रॉफी उंचावली होती. मात्र कोलकाताने त्याला रिलीज करण्याचा निर्णय घेतला होता.

आयपीएल विनिंग कर्णधार ऑक्शनमध्ये आल्यानंतर सर्वच संघांनी त्याला आपल्या संघात घेण्यासाठी जोर लावला. मात्र शेवटी बाजी मारली, ती पंजाब किंग्जने. पंजाबने त्याला २५.७५ कोटींची बोली लावत आपल्या संघात घेतलं.

रिषभ पंतवर लागली रेकॉर्डब्रेक बोली

लिलावाच्या पहिल्या सेटमध्ये आधी श्रेयस अय्यरवर सर्वात मोठी बोली लागली होती. त्याने सर्वात मोठी बोली लागण्याच्या रेकॉर्डमध्ये मिचेल स्टार्कला मागे सोडलं होतं. काही मिनिटातच रिषभ पंतने हा रेकॉर्ड मोडून काढला. लखनऊने रिषभवर २७ कोटींची बोली लावली.