गेले २ महिने संघाबाहेर राहिल्यानंतर विराट मैदानावर परतला आहे. कमबॅकनंतर पहिल्याच सामन्यात त्याने धमाका केला आहे. चेपॉकच्या मैदानावर रॉयल चॅलेंजर्स बंगळुरू आणि चेन्नई सुपर किंग्ज या दोन्ही संघांमध्ये आयपीएल २०२४ स्पर्धेतील पहिला सामना पार पडला. या सामन्यात विराटला मोठी खेळी करता आली नाही. मात्र ६ धावा करताच त्याने आयपीएल स्पर्धेतील मोठा रेकॉर्ड आपल्या नावावर केला आहे.
चेन्नई सुपर किंग्ज संघाविरुद्ध पार पडलेल्या सामन्यात ६ धावा करताच विराटने टी -२० क्रिकेटमध्ये १२००० धावा पूर्ण केल्या आहेत. असा कारनामा करणारा तो पहिलाच भारतीय फलंदाज ठरला आहे. हा कारनामा त्याने ३६० इनिंगमध्ये केला आहे. वेस्टइंडिजचा माजी फलंदाज ख्रिस गेलने हा कारनामा ३४५ इनिंगमध्ये केला होता.
टी -२० क्रिकेटमध्ये सर्वाधिक धावा करणारे भारतीय फलंदाज..
विराट कोहली - १२०१५ धावा
रोहित शर्मा - १११५६ धावा
शिखर धवन- ९४६५ धावा
सुरेश रैना - ८६५४ धावा
केएल राहुल -७०६६ धावा
या दिग्गज खेळाडूंच्या यादीत प्रवेश...
या रेकॉर्डसह विराट कोहलीने कायरन पोलार्ड आणि डेव्हिड वॉर्नरसारख्या दिग्गज खेळाडूंच्या यादीत प्रवेश केला आहे. या फलंदाजांनी टी -२० क्रिकेटमध्ये १२ हजारपेक्षा अधिक धावा केल्या आहेत. टी -२० क्रिकेटमध्ये सर्वाधिक धावा करण्याचा रेकॉर्ड हा ख्रिस गेलच्या नावे आहे. त्याने १४५६२ धावा केल्या आहेत. (Cricket news in marathi)
हे आहेत टी -२० क्रिकेटमध्ये सर्वाधिक धावा करणारे फलंदाज..
ख्रिस गेल - १४५६२ धावा
शोएब मलिक - १३३६० धावा
कायरन पोलार्ड- १२९०० धावा
ॲलेक्स हेल्स - १२२२५ धावा
डेव्हिड वार्नर - १२०६५ धावा
विराट कोहली- १२०१५ धावा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.