IPL 2023 LSG vs DC : आयपीएलच्या यंदाच्या हंगामाताली तिसरा सामना आज लखनौ सुपर जायंट्स आणि दिल्ली कॅपिटल यांच्यात सुरु आहे. सामन्यात नाणेफेक जिंकून दिल्लीने प्रथम गोलंदाजी करण्याचा निर्णय घेतला आहे. तर पहिल्यांदा फलंदाजी करताना लखनौने 193 धावांचा डोंगर उभारला आहे. दिल्लीसमोर विजसाठी 194 धावांच तगडं आव्हान ठेवलं आहे. (Cricket News)
लखनौकडून वेस्ट इंडिजच्या काइल मेयर्सने धडाकेबाज खेळी करत 38 चेंडूत सर्वाधिक 73 धावा ठोकल्या. त्याने आपल्या खेळीत दोन चौकार आणि सात षटकार मारले. लखनौची सुरुवात काहीशी खराब झाली. कारण संघाचा कर्णधार केएल राहुल पावर प्लेमध्ये चौथ्या ओव्हरमध्ये अवघ्या 8 धावांवर बाद झाला. (Latest sports updates)
त्यानंतर तर मेयर्सने दीपक हुडासोबत 69 धावांची महत्त्वपूर्ण पार्टनरशीप केलं. दीपक हुडाने 17 धावांची खेळी केली. त्यानंतर क्रुणाल पांड्या 15, मार्कस स्टॉयनिस 12 धावांवर बाद झाले. निकोलस पूरनने मधल्या फळीत येत 21 धावांत 36 धावांची खेळी करत संघावरील दबाव काहिसा कमी केला. सामन्याच्या शेवटी आयुष बदोनीने 7 धावांत 18 धावांची खेळी केली. यात त्याने एक चौकार आणि दोन षटकार लगावले.
दिल्लीकडून खलील अहमद आणि चेतन सकारिया यशस्वी गोलंदाज ठरले. दोघांनी प्रत्येकी दोन विकेट घेतल्या. तर अक्सर पटेल आणि कुलदीप यादव या दोघांनीही प्रत्येकी एक-एक विकेट घेतली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.