KKR vs RR Match Updates: आयपीएलच्या ५६ व्या सामना कोलकाता नाईट रायडर्स आणि राजस्थान रॉयल्स यांच्यात ईडन गार्डन्सवर सामना सुरू आहे. या सामन्यात केकेआरने प्रथम फलंदाजी करताना निर्धारीत २० षटकात ८ गड्यांच्या मोबदल्यात १४९ धावांपर्यंत मजल मारली. राजस्थानकडून युजवेंद्र चहलने भेदक मारा केला. त्याच्या जादुई फिरकी गोलंदाजीपुढे कोलकाताचे फलंदाज निष्प्रभ ठरले. चहलने ४ विकेट्स घेतल्या.
ईडन गार्डन मैदानावर प्रथम फलंदाजी करताना कोलकात्याची सुरुवात अतिशय खराब झाली. जेसन रॉय याला बोल्टने स्वस्तात तंबूत धाडले. जेसन रॉय याला १० दहा धावांचे योगदान देता आले. रॉयपाठोपाठ गुरबाजही लगेच तंबूत गेला. गुरबाजलाही बोल्टने बाद केले. गुरबादने १८ धावांचे योगदान दिले.
कोलकात्याचे आरआरआर आज फ्लॉप गेले. कर्णधार राणा याला चांगल्या सुरुवातीनंतर मोठी धावसंख्या उभारता आली नाही. राणा याने १७ चेंडूत २२ धावांचे योगदान दिले. तर रसेल याने १० चेंडूत १० धावा केल्या. यामध्ये एक षटकार लगावला.
रिंकू याला करिष्मा दाखवता आला नाही. रिंकू १६ धावांवर तंबूत परतला. या खेळीत त्याने एक षटकार लगावला. आघाडीची फळी फ्लॉप गेल्यानंतर मध्यक्रम आणि तळाची फलंदाजीही ढेपाळली. शार्दूल ठाकूर, अनुकूल रॉय आणि सुनील नारायण यांना मोठी खेळी करता आली नाही. शार्दूल ठाकूर याला अवघ्या एका धावेचे योगदान देता आले.
एका बाजूला विकेट्स पडत असताना, वेंकटेश अय्यरने जबरदस्त फलंदाजी केली. त्याने ४२ चेंडूत ५७ धावा कुटल्या. वेकंटेश अय्यरचा अपवाद वगळता एकाही फलंदाजाला ३० धावसंख्या करता आली नाही. राजस्थानकडून युजवेंद्र चहलने सर्वाधिक चार विकेट घेतल्या. ट्रेंट बोल्टने दोन बळी घेतले. संदीप शर्मा आणि के.एम. आसिफ यांना प्रत्येकी एक गडी बाद करण्यात यश मिळाले.
Edited by - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.