या दिवशी होणार IPL 2022 चा मेगा लिलाव; BCCI नं दिली संघांना माहिती

BCCI 7 आणि 8 फेब्रुवारी रोजी बेंगळुरू येथे इंडियन प्रीमियर लीगचा मेगा लिलाव आयोजित करणार आहे. बीसीसीआयच्या एका वरिष्ठ अधिकाऱ्याने बुधवारी ही माहिती दिली. आयपीएलचा हा शेवटचा मेगा लिलावाकडे सर्वांचे लक्ष लागून आहे. क्रिकबझच्या वृत्तानुसार, गुरुवारी सकाळी आयपीएल फ्रँचायझींशी झालेल्या चर्चेनंतर हा निर्णय घेण्यात आला आहे. मात्र, अधिकृत पुष्टीकरणाची प्रतीक्षा आहे.

मात्र, भारत 12 फेब्रुवारीला वेस्ट इंडिजविरुद्ध तिसरा एकदिवसीय सामना खेळणार आहे आणि ही चिंतेची बाब आहे. स्टार स्पोर्ट्सकडे भारताचे मायदेशात आणि आयपीएल या दोन्ही सामन्यांचे हक्क धारक असल्याने, बीसीसीआयला (BCCI) ब्रॉडकास्टरसह त्यानुसार नियोजन करावे लागणार आहे. बीसीसीआयने आयपीएल फ्रँचायझींना लिलावापूर्वीच्या ब्रीफिंगसाठी 11 फेब्रुवारीच्या संध्याकाळपर्यंत बेंगळुरूमध्ये येण्याचे कळवले आहे.

दरम्यान, बीसीसीआयने याआधीच इतर क्रिकेट बोर्डांना लिलावात सहभागी होऊ इच्छिणाऱ्या खेळाडूंची नावे पाठवण्यास सांगितले आहे. बीसीसीआयला 1,000 हून अधिक खेळाडूंची नोंदणी होण्याची अपेक्षा आहे. तर केवळ 250 खेळाडूंना संघांमध्ये घेतेले जाईल. बोर्डाच्या एका अधिकाऱ्याने सांगितले की, “कोरोना महामारीमुळे परिस्थिती बिघडली नाही तर आयपीएलचा (IPL 2022) मेगा लिलाव भारतात होईल. दोन दिवसीय लिलाव बेंगळुरू येथे 7 आणि 8 फेब्रुवारी रोजी होणार आहे. त्याची तयारी सुरू आहे."

हा लिलाव UAE मध्ये होणार असल्याच्या बातम्या आल्या होत्या पण BCCI ची सध्या अशी कोणतीही योजना नाही. कोरोना विषाणूच्या ओमिक्रॉन प्रकाराच्या प्रकरणांमध्ये वाढ झाल्यास, परदेशी प्रवासावर निर्बंध येऊ शकतात, ज्यामुळे ते भारतात करणे सोपे होईल. या वर्षी आयपीएलमध्ये 10 संघ असतील कारण लखनौ आणि अहमदाबादचे नवीन संघ जोडले गेले आहेत. मसुद्यातून निवडलेल्या तीन खेळाडूंची घोषणा करण्यासाठी दोन्ही संघांना ख्रिसमसपर्यंत वेळ आहे. सीव्हीसीची होकार मिळणे बाकी असल्याने बीसीसीआय त्याला अतिरिक्त वेळ देऊ शकते.

Edited By: Pravin Dhamale