टी२० विश्वचषकाच्या स्पर्धेत दक्षिण आफ्रिकेचा पराभव करत टीम इंडियाने 29 जून 2024 रोजी विश्वचषकावर आपलं नाव कोरलं. या स्पर्धेचा अंतिम सामना बार्बाडोस येथे झाला. या ऐतिहासिक विजयानंतर संपूर्ण देश आपल्या टीमचे स्वागत करण्यासाठी सज्ज आहे. पण भारतीय संघ वेस्ट इंडिजमध्येच अडकून पडलाय.
भारतीय संघातील खेळाडूं आणि स्टाफ बार्बाडोसमधील हॉटेलमध्ये अडकलाय. याचे कारण म्हणजे बार्बाडोसला धडकणारे बेरील चक्रीवादळ. हे वादळामुळे तेथील सर्व उड्डाणांवर परिणाम झालाय. वादळाने बार्बाडोस आणि आसपासच्या भागात चक्रीवादळाने हाहाकार माजवलाय. या वादळामुळेच टीम इंडिया अजून मायदेशी परत येऊ शकली नाहीये.
दरम्यान याबाबत एक मोठी अपडेट समोर आलीय. भारतीय क्रिकेटर्स आणि स्टाफ लवकरच मायदेशी येणार आहे. तेथील बेरील चक्रीवादळ बार्बाडोसमधून गेले असून तेथील जनजीवन हळूहळू रुळावर येऊ लागले आहे. लवकरच विमानतळांवरही काम सुरू होईल. तसेच उड्डाणे सुरू होतील. त्यामुळेच भारतीय संघ लवकरच चार्टर्ड विमानाने मायदेशी दाखल होईल. मीडिया रिपोर्ट्सनुसार, भारतीय संघ आज बुधवारी (3 जूलै) रात्री 8 च्या सुमारास दिल्लीला पोहोचणार असल्याचं म्हटलं जात आहे.
2024 च्या T20 विश्वचषक स्पर्धेत भारतीय संघाने इतिहास रचलाय. भारताने दुसऱ्यांदा विजेतेपद पटकावलंय. अंतिम फेरीत भारताने दक्षिण आफ्रिकेवर 7 धावांनी विजय मिळवला. याआधी टीम इंडियाने 2007 चा टी-20 विश्वचषकही जिंकला होता. तर 1983 आणि 2011 मध्ये एकदिवसीय विश्वचषक जिंकलाय.
वर्ल्डकप विजेत्या संघासाठी 125 कोटींचे बक्षीस जाहीर
भारतीय खेळाडूंनी टी-२० वर्ल्डकपच्या ट्रॉफी जिंकल्यानंतर बीसीसीआयने मोठी घोषणा केली आहे. वर्ल्डकपविजेत्या संघावर बक्षिसांचा वर्षाव केलाय. भारतीय संघाला बीसीसीआयकडून बक्षीस म्हणून १२५ कोटी रुपये दिले जाणार आहेत.
या T20 विश्वचषकातील संघ
रोहित शर्मा (कर्णधार), ऋषभ पंत (यष्टीरक्षक), यशस्वी जैस्वाल, विराट कोहली, जसप्रीत बुमराह, हार्दिक पांड्या. सूर्यकुमार यादव, संजू सॅमसन, शिवम दुबे, रवींद्र जडेजा, अक्षर पटेल, कुलदीप यादव, युझवेंद्र चहल, अर्शदीप सिंग,
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.