आशिया कप स्पर्धेतील भारत विरुद्ध पाकिस्तानचा हायव्होल्टेज सामना श्रीलंकेत सुरू आहे. टीम इंडियाने नाणेफेक जिंकून प्रथम फलंदाजी करण्याचा निर्णय घेतला. भारताची फलंदाजीची सुरुवात फारशी चांगली झाली नाही. ईशान किशन आणि हार्दिक पंड्याने चांगली खेळी खेळली. टीम इंडियाने पाकिस्तानला २६७ धावांचं आव्हान दिलं आहे. (Latest Marathi News)
प्रथम फलंदाजीसाठी उतरलेल्या टीम इंडियाची सुरुवात चांगली झाली नाही. टीम इंडियाला रोहित शर्माच्या रुपात पहिला धक्का बसला. शाहीन आफ्रिदीने रोहितला त्रिफळाचित केले. रोहितने ११ चेंडूत २२ धावा केल्या. (Cricket Latest News)
रोहितनंतर विराट मैदानात उतरला. विराटही अधिक वेळ खेळपट्टीवर टिकू शकला नाही. विराटने सात चेंडूत चार धावा कुटल्या. पाच महिन्यानंतर मैदानात उतरलेल्या श्रेयस अय्यरही फारसं चांगलं प्रदर्शन करू शकला नाही. श्रेयसने ९ चेंडूत १४ धावा कुटल्या. शुभमन गिलदेखील चमकदार कामगिरी करु शकला नाही. शुभमनही १० धावांवर तंबूत परतला.
शुभमन बाद झाल्यानंतर ईशान किशन आणि हार्दिक पंड्या मैदानात उतरले. ईशान-हार्दिकने संघाची कमान सांभाळली. दोघांनी १४१ चेंडूत १३८ धावांची भागिदारी रचली. यामुळे भारताची धावसंख्या अडीचशे पार झाली.
ईशान किशान ८१ धावांवर बाद झाला. तर हार्दिक पंड्या ८७ धावांवर बाद झाला. टीम इंडियाने पाकिस्तानला २६७ धावांचं आव्हान दिलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.