T20 world cup prize money: T20 वर्ल्ड कप विजेत्या टीमवर कोटींचा वर्षाव; उपविजेत्यालाही मिळणार मोठी रक्कम

आयसीसी मेन्स टी२० वर्ल्डकपच्या २०२६ चा अंतिम सामना रविवारी अहमदाबादच्या नरेंद्र मोदी स्टेडियमवर खेळवला जाणार आहे. भारत आणि न्यूझीलंड या दोन्ही टीम्स सामन्यात एकमेकांसमोर येणार आहेत. पहिल्या सेमीफायनलमध्ये न्यूझीलंडने दक्षिण आफ्रिकेचा ९ विकेट्सने पराभव केला. तर दुसऱ्या सामन्यात भारताने इंग्लंडचा ७ रन्सने पराभव करून फायनलं तिकीट मिळवलं. यावेळी टीम इंडिया सलग दुसऱ्यांदा टी२० वर्ल्डकप जिंकण्याचं लक्ष्य ठेवणार आहे. तर न्यूझीलंडने आतापर्यंत टी२० वर्ल्डकप जिंकलेला नाही.

फायनल सामन्यानंतर विजेत्या आणि उपविजेत्या टीम्सना मोठ्या प्रमाणात प्राईज मनी मिळणार आहे. मिळालेल्या माहितीनुसार, टी२० वर्ल्डकप २०२६ च्या विजेत्या टीमला ३ दशलक्ष डॉलर्स म्हणजे अंदाजे २७.५० कोटी रुपये मिळणार आहेत. याशिवाय पराभूत टीमला म्हणजेच टीमला १.६ दशलक्ष डॉलर्स मिळणार आहेत.

सेमीफायनल गमावलेल्या टीमही

सेमीफायनलमध्ये पराभूत झालेल्या इंग्लंड आणि दक्षिण आफ्रिका टीम्सना समान रक्कम $0.79 दशलक्ष (अंदाजे रु. 7.24 कोटी) मिळणार आहे. आंतरराष्ट्रीय क्रिकेट परिषदेने (ICC) सर्व टीम्सना फायदा व्हावा म्हणून वेगवेगळ्या टप्प्यांनुसार रकमेची विभागणी केली आहे. पाचव्या ते बाराव्या क्रमांकावर असलेल्या टीम्सना समान रक्कम $0.38 दशलक्ष (अंदाजे रु. 3.48 कोटी) मिळणार आहे. १३व्या ते २०व्या क्रमांकावर असलेल्या टीम्सना समान रक्कम $0.25 दशलक्ष (अंदाजे रु. 2.29 कोटी) मिळतील.

आयसीसीने एकूण प्राईज मनी १३.५ दशलक्ष डॉलर्स म्हणजे अंदाजे १२३.७७ कोटी रुपये दिलीये. ही रक्कम २०२४ च्या टी-२० वर्ल्डकपेक्षा सुमारे २० टक्के जास्त आहे. गेल्या टी-२० वर्ल्डकपमध्ये आयसीसीने ११.२५ दशलक्ष डॉलर्स दिले होते. विजेत्या भारतीय टीमला २.४५ दशलक्ष डॉलर्स मिळालेत. उपविजेत्या दक्षिण आफ्रिकेला १.२८ दशलक्ष डॉलर्स मिळाले.

२०२६ च्या टी२० वर्ल्डकपमधील प्राईज मनी रक्कम

• विजेता: अंदाजे ₹२७.५० कोटी

• रनर अप: अंदाजे ₹१४.६७ कोटी

• सेमीफायनल मधील पराभूत टीम: अंदाजे ₹७.२४ कोटी

• पाचव्या ते बाराव्या क्रमांकावर असलेल्या टीम: अंदाजे ₹३.४८ कोटी

• १३व्या ते २०व्या क्रमांकावर असलेल्या टीम: अंदाजे ₹२.२९ कोटी