T20 world cup semifinal: ना सॅमसन, ना अक्षर, ना बुमराह -शिवम...; हा खेळाडू ठरला टीम इंडियाचा इम्पॅक्ट प्लेअर

यंदाच्या टी-२० वर्ल्डकपमध्ये टीम इंडियाने फायनलचं तिकीट मिळवलंय. गुरुवारी वानखेडे स्टेडियमवर झालेल्या सेमीफायनलमध्ये भारताने न्यूझीलंडचा ७ विकेट्सने पराभव करत फायनल गाठलीये. दरम्यान या सामन्यात टीम इंडियाच्या प्रत्येक खेळाडूने त्याच्या परीने चांगला खेळ केला. दरम्यान प्रथेप्रमाणे विजयानंतर ड्रेसिंग रूममध्ये इम्पॅक्ट प्लेअर निवडला जातो. या सामन्यानंतरचा इम्पॅक्ट प्लेअर कोण ठरला ते पाहूयात.

सेमीफायनलच्या सामन्यानंतर ड्रेसिंगरूममध्ये टीम इंडियाचा मुख्य कोच गौतम गंभीरने सर्व खेळाडूंचं कौतुक केलं. कठीण परिस्थितीत टीमने चांगला खेळ दाखवला असल्याचं, गौतमने म्हटलंय. गंभीरनंतर टीमचे फिजियोथेरेपीचे हेड कमलेश जैन यांनी इम्पॅक्ट प्लेअरची घोषणा केली. टीम इंडियाच्या ड्रेसिंग रूममध्ये इशान किशनच्या नावावर इम्पॅक्ट प्लेअर म्हणून शिक्कामोर्तब करण्यात आलं.

कमलेश जैन यांनी सांगितलं की, आजचा इम्पॅक्ट प्लेअर हा विश्वास, कठोर परिश्रम आणि कणखरपणा असलेला खेळाडू आहे. तो गेल्या २ वर्षांपासून टीमचा भागही नवह्ता. मात्र त्याला विश्वास होता की, जेव्हाही तो टीममध्ये कमबॅक करेल तेव्हा तो त्याचा इम्पॅक्ट दाखवेल.

जैन पुढे म्हणाले की, त्याने डोमेस्टिक क्रिकेटमध्ये गेले २ वर्ष खूप मेहनतीने चांगली कामगिरी केली आहे. यावेळी तो मानसिक दृष्याही खंबीर राहिला. त्यामुळे ज्यावेळी त्याला संधी मिळाली तेव्हा त्याने त्याचं सोनं केलं. त्यामुळे आजचा इम्पॅक्ट प्लेअर इशान किशन आहे.

दरम्यान इम्पॅक्ट प्लेअर म्हणून निवड झाल्यानंतर इशाननेही सर्वांचे आभार मानले. शिवाय प्रत्येकाने खूप चांगला खेळ केला असंही त्याने सांगितलंय.

इशान-किशनची चांगली कामगिरी

जवळजवळ अडीच वर्षांनी टीम इंडियात परतल्यानंतर इशान किशनने चांगली फलंदाजी केली आहे. न्यूझीलंडविरुद्धच्या टी-२० सिरीजमध्येही त्याची फलंदाजीची कामगिरी चांगली होती. त्यानंतर बॅकअप ओपनर म्हणून निवड झाल्यानंतरही त्याने २०२६ च्या टी-२० वर्ल्डकपसाठी प्लेइंग इलेव्हनमध्ये स्थान मिळवलंय.

इशानने वर्ल्डकपमध्येही हा फॉर्म कायम ठेवला. जवळजवळ प्रत्येक सामन्यात त्याने चांगले रन्स केले. उपांत्य फेरीतही ज्यावेळी टीमला त्याची गरज होती तेव्हा त्याने निराश केलं नाही. धमाकेदार खेळी करत या वर्ल्डकपमध्ये भारताचा सर्वात यशस्वी फलंदाज बनला.