Ind Vs NZ 3rd T20: न्यूझीलंडविरुद्धच्या शेवटच्या आणि निर्णायक सामन्यात टीम इंडियाने दणदणीत विजय मिळवला. या विजयासोबतच भारतीय संघाने तीन टी ट्वेंटी सामन्यांची मालिकाही खिशात घातली. कर्णधार हार्दिक पांड्याच्या नेतृत्वाखाली भारतीय संघाने एकदिवसीय मालिकेपाठोपाठ टी ट्वेंटीमध्येही धुळ चारली.
मालिका जिंकल्यानंतर कर्णधार हार्दिक पांड्याच्या (Hardik Pandya) एका कृतीने सर्वांचेच लक्ष वेधले. सध्या हा व्हिडिओ सोशल मीडियावर चांगलाच व्हायरल होत आहे. ज्यामुळे पांड्याचे कौतुकही होत आहे.
भारत आणि न्यूझीलंडचा शेवटचा टी ट्वेंटी सामना काल खेळला गेला. अहमदाबादच्या नरेंद्र मोदी स्टेडियमवर रंगलेल्या या सामन्यात शुभमन गिलने वादळी शतकी खेळी केली. यामुळेच न्यूझीलंडसमोर भारतीय संघाने २३४ धावांचा डोंगर उभा केला.
या मोठ्या धावसंख्येचा पाठलाग करताना न्यूझीलंडचा डाव अवघ्या ६६ धावांमध्ये आटोपला. यामुळेच हा सामना भारतीय संघाने तब्बल १६८ धावांनी जिंकला.
काय म्हणाला हार्दिक..
सामन्यानंतर कर्णधार हार्दिक पांड्याने आयुष्य आणि कॅप्टनशिपबद्दल माझा खूप साधा, सोपा नियम आहे. मी खाली गेलो, तर माझ्या निर्णयाने जाईन. मी माझे निर्णय स्वत: घेतो. मला जबाबदारी घ्यायला आवडते. प्रेशर असलेले सामने नॉर्मल पद्धतीने, कुठलाही दबाव न घेता खेळायचे आहेत. मोठ्या स्टेजवर अजून चांगली कामगिरी करु, अशी प्रतिक्रिया दिली.
त्या कृतीने वेधले लक्ष...
सामना जिंकल्यानंतर हार्दिकच्या एका कृतीने सर्वांचेच लक्ष वेधले. यावेळी हार्दिकने विजयाची ट्रॉफी थेट पृथ्वी शॉच्या हातात नेवून दिली. त्याच्या या कृतीने सर्वांनाच धक्का बसला. कारण पृथ्वी शॉला संघाबाहेर ठेवल्याने हार्दिकवर जोरदार टीकाही झाली होती. शॉला संघात संधी दिली जाईल असे वाटत होते. मात्र त्याला संपूर्ण मालिकेत बाहेर बसावे लागले. सध्या हार्दिकच्या या कृतीचे कौतुक केले जात आहे.
हा व्हिडिओही सोशल मीडियावर चांगलाच व्हायरल होत आहे. (Viral Video)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.