भारत आणि इंग्लंड या दोन्ही संघांमध्ये ५ कसोटी सामन्यांची मालिका रंगणार आहे. या मालिकेतील पहिला कसोटी सामना आजपासून (२५ जानेवारी) हैदराबादच्या राजीव गांधी आंतरराष्ट्रीय स्टेडियमवर रंगणार आहे. या सामन्यात पाहुण्या इंग्लंडने नाणेफेक जिंकली असून प्रथम फलंदाजी करण्याचा निर्णय घेतला आहे. तर भारतीय संघ गोलंदाजी करताना दिसून येणार आहे.
भारतीय संघात ३ फिरकी गोलंदाज..
या सामन्यासाठी भारतीय संघात ३ फिरकी गोलंदाजांना संधी देण्यात आली आहे. ज्यात आर अश्विन, रविंद्र जडेजा आणि अक्षर पटेल या गोलंदाजांचा समावेश आहे. हे तिन्ही गोलंदाज गोलंदाजीसह फलंदाजीतही मोलाचं योगदान देऊ शकतात. तसेच हैदराबाद खेळपट्टीवर हे तिन्ही गोलंदाज इंग्लंडच्या फलंदाजांसाठी घातक ठरू शकतात. (Cricket News in marathi)
विराटच्या जागी राहुलला संधी..
ही मालिका सुरू होण्यापूर्वीच विराट कोहलीने दोन्ही कसोटी सामन्यातून माघार घेण्याचा निर्णय घेतला होता. त्याच्याऐवजी केएल राहुलला प्लेइंग ११ मध्ये स्थान दिलं गेलं आहे. तर यष्टिरक्षक फलंदाज म्हणून केएस भरत खेळताना दिसून येणार आहे. रोहित शर्मा आणि यशस्वी जयस्वाल ही जोडी डावाची सुरुवात करताना दिसेल आणि शुभमन गिल तिसऱ्या क्रमांकावर फलंदाजी करताना दिसून येईल.
या सामन्यासाठी अशी आहे दोन्ही संघांची प्लेइंग ११:
भारतीय संघ:
रोहित शर्मा (कर्णधार), यशस्वी जयस्वाल, शुभमन गिल, के एल राहुल, श्रेयस अय्यर, रविंद्र जडेजा, केएस भरत (यष्टीरक्षक), आर अश्विन, अक्षर पटेल, जसप्रीत बुमराह, मोहम्मद सिराज
इंग्लंड:
जॅक क्रॉली, बेन डकेट, ओली पोप, जो रूट, जॉनी बेअरस्टो, बेन स्टोक्स (कर्णधार), बेन फोक्स (यष्टीरक्षक), रेहान अहमद, टॉम हार्टले, मार्क वुड, जॅक लीच
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.