IND vs BAN, 1st T20I: भारत आणि बांगलादेश या दोन्ही संघांमध्ये ३ टी-२० सामन्यांची मालिका रंगणार आहे. मालिकेतील पहिला सामना ग्वालियरमध्ये रंगणार आहे. या मालिकेसाठी युवा खेळाडूंना संघात स्थान देण्यात आलं आहे.
ज्या खेळाडूंनी आयपीएल स्पर्धेत चांगली कामगिरी केली आहे, अशा खेळाडूंना भारतीय संघात स्थान देण्यात आलं आहे. दरम्यान पहिल्याच सामन्यात ३ युवा खेळाडूंना पदार्पण करण्याची संधी दिली जाऊ शकते.
आयपीएल २०२४ स्पर्धेत सर्वात चर्चेत राहिलेला गोलंदाज म्हणजे मयांक यादव. आपल्या वेगवान गोलंदाजीमुळे चर्चेत आलेल्या मयांक यादवने आयपीएल २०२४ मध्ये त्याने स्पर्धेतील सर्वात वेगवान चेंडू टाकण्याचा रेकॉर्ड नोंदवला होता. मात्र त्यानंतर त्याला दुखापतीमुळे संघाबाहेर राहावं लागलं होतं. भारतीय संघात स्थान मिळवण्यासाठी खेळाडू फॉर्ममध्ये असण्यासह फिट असणंही तितकंच महत्वाचं असतं.
मात्र मयांक यादवच्या बाबतीत उलट घडलंय. दुखापतग्रस्त होऊन संघाबाहेर झाल्यानंतरही त्याला भारतीय संघात स्थान देण्यात आलंय. याचं एकमेव कारण म्हणजे, त्याची वेगवान गोलंदाजी. बांगलादेशविरुद्धची टी-२० मालिका, ही मयांक यादवची चाचणी घेण्याची सुवर्णसंधी असणार आहे. मयांक यादवसह नीतीश कुमार आणि हर्षित राणा यांना देखील भारतीय संघात पदार्पण करण्याची संधी दिली जाऊ शकते.
यशस्वी जयस्वाल, शुभमन गिल, मोहम्मद सिराज आणि अक्षर पटेल यांना या मालिकेतून विश्रांती देण्यात आली आहे. संघातील प्रमुख खेळाडू संघाबाहेर असल्यामुळे अभिषेक शर्माला आपलं कौशल्य दाखवण्याची संधी असणार आहे. झिम्बाब्वेविरुद्ध झालेल्या सामन्यात त्याने शानदार शतकी खेळी केली होती. बांगलादेशविरुद्धच्या मालिकेत तो संजू सॅमसनसोबत मिळून डावाची सुरुवात करताना दिसून येऊ शकतो.
सूर्यकुमार यादव (कर्णधार), अभिषेक शर्मा, संजू सॅमसन (यष्टीरक्षक), रिंकू सिंग, हार्दिक पंड्या, रियान पराग, नीतीश कुमार रेड्डी, शिवम दुबे, वरुण चक्रवर्ती, जितेश शर्मा (विकेटकीपर), अर्शदीप सिंग, हर्षित राणा, मयंक यादव, वॉशिंगटन सुंदर, रवि बिश्नोई.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.