Ind vs Eng : DSP सिराजचा पंच! अटीतटीच्या सामन्यात भारताचा ऐतिहासिक विजय, अँडरसन-तेंडुलकर ट्रॉफी बरोबरीत

India vs England 5th Test : भारत विरुद्ध इंग्लंड कसोटी मालिकेतील पाचवा आणि शेवटचा सामना ओव्हल क्रिकेट स्टेडियमवर खेळला गेला. या सामन्यामध्ये भारतीय संघाचा विजय झाला आहे.
India vs England 5th Test
India vs England 5th Test x
Published On

Ind vs Eng Test Series : भारत विरुद्ध इंग्लंड ओव्हल कसोटीमध्ये भारताचा सहा धावांनी विजय झाला आहे. अटीतटीच्या सामन्यामध्ये भारताने इंग्लंडवर मात केली. ओव्हल कसोटी जिंकून भारताने अँडरसन-तेंडुलकर ट्रॉफी बरोबरीत नेली आहे. भारतीय वेगवान गोलंदाज मोहम्मद सिराज आणि प्रसिद्ध कृष्णा हे ओव्हल कसोटीमध्ये भारताच्या विजयाचे शिल्पकार बनले आहेत.

ओव्हलमध्ये भारत विरुद्ध कसोटी जिंकून भारताने इतिहास रचला आहे. ओव्हलच्या मैदानात इंग्लंडच्या संघाला भारताने रनचेज करण्यापासून रोखले आहे. पहिली, तिसरी कसोटी इंग्लंडने जिंकली. एजबॅस्टनमध्ये दुसऱ्या कसोटीत भारताने ऐतिहासिक विजय मिळवला. चौथ्या कसोटीपर्यंत इंग्लंडकडे आघाडी होती. रवींद्र जडेजा आणि वॉशिंग्टन सुंदर यांनी चौथी कसोटी ड्रॉ करण्यासाठी तगडी झुंज दिली. पाचव्या अटीतटीच्या सामन्यात भारताने इंग्लंडला सहा धावांनी पछाडले.

India vs England 5th Test
Ind vs Eng : नाइट वॉचमन म्हणून आला अन् इंग्लंडला धुतलं; फिफ्टी ठोकताच आकाश दीपची मैदानावरील Reaction Viral

प्रथम फलंदाजी करत भारतीय संघ केवळ २२४ धावांवर सर्वबाद झाला. इंग्लंडने २४७ धावा करत २३ धावांची आघाडी घेतली. भारताच्या पहिल्या डावात करुण नायरने सर्वाधिक ५७ धावा केल्या, तर इंग्लंडकडून हॅरी ब्रूकने ५३ धावांची खेळी केली. दुसऱ्या डावात भारताकडून यशस्वी जैस्वालने शतकी खेळी केली. त्याला साथ देताना आकाश दीप, रवींद्र जडेजा आणि वॉशिंग्टन सुंदर यांनी अर्धशतके झळकावली. भारताचा दुसरा डाव ३९६ धावांवर संपला. इंग्लंडच्या प्रत्युत्तरात बेन डकेटने अर्धशतक ठोकले, तर जो रूट आणि हॅरी ब्रूक यांनी शतकीय खेळी केली.

India vs England 5th Test
Ind vs Eng : ओव्हल कसोटीत भारताचा विजय पक्का, इंग्लंडला जिंकण्यासाठी मोडावा लागेल १२३ वर्ष जुना विक्रम

पाचव्या दिवशी नेमकं काय घडलं?

चौथ्या दिवसाचा खेळ संपल्यानंतर इंग्लंडला जिंकण्यासाठी ३५ धावांची गरज होती, दुसऱ्या बाजूला भारताला ४ विकेट्स घ्यायच्या होत्या. पहिल्या सत्रामध्ये भारताने जेकब बेथेलची विकेट घेतली. त्यानंतर जेमी स्मिथला मोहम्मद सिराजने बाद केले. जेमी ओव्हरटनच्या विकेटनंतर दुखापतग्रस्त ख्रिस वोक्स फलंदाजीसाठी आला. शेवटच्या क्षणी भारताला एक विकेट आणि इंग्लंडला ७ धावांची गरज होती. मोहम्मद सिराजने गस अॅटकिन्सनला क्लीनबोल्ड करत भारताला सामना जिंकवून दिला.

India vs England 5th Test
Ind vs Eng : ओव्हल कसोटीमध्ये राडा! एकटा यशस्वी जैस्वाल इंग्लंडच्या खेळाडूंना भिडला, मैदानात काय घडलं? Video

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com