ICC ODI Ranking: पाकिस्तान पिछाडीवर पण बाबर अन् आफ्रिदी आघाडीवर! ICC च्या यादीत गाठलं अव्वल स्थान

Shaheen Afridi ICC Ranking:

पाकिस्तानचा वेगवान गोलंदाज शाहीन आफ्रिदी आयसीसी वनडे रँकिंगमध्ये अव्वल स्थानी विराजमान झाला आहे. आतापर्यंत त्याने केलेली ही सर्वात्तम कामगिरी आहे. रँकिंगमध्ये अव्वल स्थानी पोहचण्यासाठी त्याने जोश हेजलवूडला मागे सोडलं आहे.

बांगलादेशविरुद्ध झालेल्या सामन्यात त्याने पाकिस्तानच्या विजयात मोलाचं योगदान दिलं. त्याने अवघ्या २३ धावा खर्च करत ३ गडी बाद केले.

बांगलादेशविरुद्ध झालेल्या सामन्यात त्याने वनडे कारकिर्दीत १०० गडी बाद करण्याचा आकडा पूर्ण केला. असा कारनामा करणारा तो पाकिस्तानचा तिसराच गोलंदाज ठरला आहे. वर्ल्डकप २०२३ स्पर्धेतही त्याच्या गोलंदाजाची जादू पाहायला मिळाली आहे.

वनडे वर्ल्डकप स्पर्धेत सर्वाधिक गडी बाद करणाऱ्या गोलंदाजांच्या यादीत तो अॅडम झाम्पासोबत संयुक्तरित्या अव्वल स्थानी विराजमान आहे. दोघांनी प्रत्येकी १६-१६ गडी बाद केले आहेत. भारतीय संघाचा वेगवान गोलंदाज मोहम्मद सिराज रँकिंगमध्ये तिसऱ्या स्थानी तर फिरकीपटू कुलदीप यादव सातव्या स्थानी आहे. (Latest sports updates)

फलंदाजीत बाबर आझम अव्वल..

फलंदाजांमध्ये पाकिस्तानचा कर्णधार बाबर आझम या यादीत अव्वल स्थानी आहे. तर भारतीय संघाचा युवा सलामीवीर फलंदाज शुभमन गिल दुसऱ्या स्थानी आहे. अष्टपैलू खेळाडूंच्या यादीत शाकीब हल हसन अव्वल स्थानी आहे.