PAK vs BAN: पाकिस्तानच्या गोलंदाजांसमोर बांगलादेशी फलंदाजांच लोटांगण! जिंकण्यासाठी २०५ धावांंचं आव्हान

Pakistan vs Bangladesh :

वनडे वर्ल्डकप २०२३ स्पर्धेतील ३१ वा सामना बांगलादेश आणि पाकिस्तान या दोन्ही संघांमध्ये सुरु आहे. कोलकाताच्या ईडन गार्डन्सवर सुरु असलेल्या या सामन्यात बांगलादेशने नाणेफेक जिंकून प्रथम फलंदाजी करण्याचा निर्णय घेतला. दरम्यान हा निर्णय त्यांना योग्य ठरवता आला नाही. कारण पाकिस्तानच्या गोलंदाजांसमोर बांगलादेशचा डाव अवघ्या २०४ धावांवर संपुष्टात आला आहे. पाकिस्तानला हा सामना जिंकण्यासाठी २०५ धावांची गरज आहे.

बांगलादेशने नाणेफेक जिंकून प्रथम फलंदाजीचा निर्णय घेतला होता. मात्र हा निर्णय सुरुवातीलाच फसला कारण हसन खाते ही न उघडता माघारी परतला. लिटन दासने एक बाजू धरून ठेवली. त्याने डावाची सुरुवात करताना ४५ धावांची खेळी केली. संघातील अनुभवी फलंदाज महमदुल्लाह या सामन्यातही चमकला. त्याने ७० चेंडूत ५६ धावा चोपल्या. (Latest sports updates)

तर कर्णधार शाकीब अल हसनने ४३ धावांचं योगदान दिलं. शेवटी मेहदी हसनने २५ धावांची खेळी केली. मात्र बांगलादेशचा डाव अवघ्या २०४ धावांवर संपुष्टात आला.

पाकिस्तानकडून गोलंदाजी करताना शाहीन आफ्रिदी आणि वसीमने प्रत्येकी ३-३ गडी बाद केले. तर हॅरिस रऊफने २, अहमद आणि मिरने प्रत्येकी १-१ गडी बाद केला.