आयपीएल २०२४ आधी अनेक मोठे फेरबदल समोर आले आहेत. हार्दिक पंड्या मुंबई इंडियन्समध्ये परतल्यानंतर गुजरात टायटन्सने संघाची धुरा शुभमन गिलकडे सोपवली आहे. गुजरात टायटन्सने म्हटले की, शुभमन गिल अशा संघाचं नेतृत्व करेल ज्यात अनुभव आणि तरुण उत्साह असं मिश्रण आहे, जे गुजरात टायटन्सचे वैशिष्ट्य आहे.
शुभमन गिलची आयपीएलमधील कामगिरी पाहता गुजरातसाठी तो महत्त्वाची खेळाडू आहे. गिलने ३३ डावांमध्ये ४७.३४ च्या सरासरीने ३ शतके आणि ८ अर्धशतकांच्या मदतीने १३७३ धावा केल्या आहेत. मागील हंगाम तर गिलने अक्षरश: गाजवला. त्याने ऑरेंज कॅप जिंकत 17 सामन्यात ५९.३३ च्या सरासरीने ३ शतके आणि ४ अर्धशतकांसह ८९० धावा केल्या. (Latest sports updates)
शुभमन गिलने म्हटलं की, गुजरात टायटन्सचे कर्णधारपद स्वीकारताना मला आनंद आणि अभिमान वाटत आहे. इतक्या चांगल्या संघाचे नेतृत्व करण्यासाठी माझ्यावर विश्वास ठेवल्याबद्दल फ्रँचायझीचे आभार मानतो. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
शुभमन गिलने २०१८ साली कोलकाता नाइट रायडर्सकडून (KKR) आयपीएलमध्ये पदार्पण केले. गिलने त्याच्या आयपीएल कारकिर्दीत आतापर्यंत ९१ सामने खेळले आहेत, ज्यामध्ये त्याने ३७.७० च्या सरासरीने २७९० धावा केल्या आहेत. या काळात त्याने ३ शतके आणि १८ अर्धशतके झळकावली. आयपीएलमधील त्याची सर्वोच्च धावसंख्या १२९ धावा आहे. IPL २०२३ च्या लिलावापूर्वी गिलला गुजरात टायटन्सने ८ कोटी रुपयांना करारबद्ध केले होते.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.