अहमदाबादच्या नरेंद्र मोदी स्टेडियमवर मुंबई इंडियन्स आणि गुजरात टायटन्स संघाचा सामना झाला. यंदाच्या आयपीएल हंगामात हार्दिक पांड्याला मुंबई संघाचा कर्णधार बनवण्यात आले आहे. हार्दिक पहिल्यांदाच मुंबई संघाचा कर्णधार म्हणून होम ग्राउंडवर उतरला होता. अभिमान वाटणाऱ्या क्षणावेळी हार्दिकला नामुष्की सहन करावी लागली.स्टेडियमवर प्रेक्षकांनी हार्दिकची हेटाळणी केली. (Latest News)
हार्दिक मागील आयपीएलच्या हंगामापर्यत गुजरात टायटन्सचा भाग होता. पण या हंगामाच्या लिलावापूर्वीच त्याला मुंबई इंडियन्समध्ये घेण्यात आले. याशिवाय त्याला रोहित शर्माच्या जागी कर्णधार बनवण्यात आले. हीच गोष्ट चाहत्यांना आवडलेली नाही. हार्दिकने गुजरातचा संघ सोडल्याने तेथील चाहते त्याच्यावर नाराज आहेत.तर मुंबईच्या संघाचा खेळाडू रोहित शर्माला कर्णधारपदावरून काढल्यामुळे मुंबईतील चाहते सुद्धा त्याच्यावर नाराज आहेत.
सर्व बाजुंनी नाराजी सूर असताना आजच्या सामन्यात हार्दिकला अपमान सहन करावा लागला. मुंबई आणि गुजरात संघाचा सामन्याची नाणेफेक केली जात असताना रवी शास्त्री यांनी हार्दिक पांड्याचं नाव घेतलं. त्यावेळी प्रेक्षकांनी हार्दिकला चिडवण्यास सुरुवात केली. चाहत्यांनी रोहित शर्माला पाठिंबा देत त्याच्या नावाच्या घोषणा प्रेक्षकांनी दिल्या.
हार्दिकने पहिल्याच सामन्यात कर्णधार असल्याचा रुबाब दाखवण्यास सुरुवात केलीय. यावेळी त्याचा हट्टी स्वभाव अनेकांना दिसून आला. हार्दिकने रोहित शर्माला एका सामन्य खेळाडूप्रमाणे वागणूक देत असल्याने अनेक चाहत्यांनी आणि नेटकऱ्यांनी हार्दिकला ट्रोल करण्यास सुरुवात केलीय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
