दिल्लीतील अरुण जेटली स्टेडियमवर दिल्ली कॅपिटल्स आणि राजस्थान रॉयल्स हे दोन्ही संघ आमने सामने येणार आहेत. हा सामना प्लेऑफमध्ये जाण्याच्या दृष्टीने दोन्ही संघांसाठी अतिशय महत्वाचा असणार आहे. राजस्थान रॉयल्सने ८ सामने जिंकले असून १६ गुणांसह दुसऱ्या स्थानी आहे. तर दिल्लीचा संघ १० गुणांसह सहाव्या स्थानी आहे. दिल्लीला प्लेऑफच्या शर्यतीत टीकून राहण्यासाठी आणि राजस्थानला नंबर १ वर जाण्यासाठी आजचा सामना अतिशय महत्वाचा असणार आहे. त्यामुळे दोन्ही संघ आपल्या मजबूत प्लेइंग ११ सह मैदानात उतरु शकतात.
या सामन्यासाठी दिल्ली कॅपिटल्स संघात बदल केला जाऊ शकतो. गेल्या काही सामन्यांमध्ये डेव्हिड वॉर्नर खेळताना दिसून आला नव्हता. मात्र तो आता फिट झाला असून त्याचा प्लेइंग ११ मध्ये समावेश केला जाऊ शकतो.
दिल्ली कॅपिटल्स संघातील अनुभवी गोलंदाज इशांत शर्मा देखील गेल्या काही सामन्यांमध्ये खेळताना दिसून आला नव्हता. मात्र तो देखील आता फिट झाला आहे. त्यामुळे या महत्वाच्या सामन्यात डेव्हिड वॉर्नरसह इशांत शर्माचा देखील प्लेइंग ११ मध्ये समावेश केला जाऊ शकतो.
तर राजस्थान रॉयल्स संघाबद्दल बोलायचं झालं, तर प्लेइंग ११ मध्ये ट्रेन्ट बोल्ट, संदीप शर्मा, आवेश खान आणि आर अश्विन यांचा समावेश केला जाऊ शकतो. तर युझवेंद्र चहलचा इम्पॅक्ट प्लेअर म्हणून समावेश केला जाऊ शकतो.
डेव्हिड वॉर्नर, अभिषेक पॉरेल, जॅक फ्रेजर मॅकगर्क, रिषभ पंत( कर्णधार, यष्टीरक्षक), ट्रिस्टन स्टब्स, शाई होप, अक्षर पटेल, कुलदीप यादव, खलील अहमद, इशांत शर्मा, मुकेश यादव
यशस्वी जयस्वाल, रियान पराग,जोस बटलर, संजू सॅमसन (कर्णधार, यष्टीरक्षक), ध्रुव जुरेल, शिमरोन हेटमायर, रोवमेन पॉवेल, आर अश्विन, ट्रेन्ट बोल्ट, आवेश खान, संदीप शर्मा
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.