DC vs RR, IPL 2024: मुंबईने दिलेल्या संधीचं दिल्ली सोनं करणार का? वाचा राजस्थानविरुद्ध कसा राहिलाय रेकॉर्ड

आयपीएल २०२४ स्पर्धेतील ५६ व्या सामन्यात दिल्लीचा संघ राजस्थान रॉयल्स संघाविरुद्ध दोन हात करताना दिसून येणार आहे. हा सामना दिल्लीतील अरुण जेटली स्टेडियमवर रंगणार आहे. हा सामना जिंकून राजस्थान रॉयल्सला प्लेऑफमध्ये प्रवेश करण्याची संधी असणार आहे. तर दिल्ली कॅपिटल्स संघाला प्लेऑफच्या शर्यतीत टीकून राहण्यासाठी हा सामना जिंकणं अतिशय महत्वाचं असणार आहे.

राजस्थान रॉयल्स संघाने जवळजवळ प्लेऑफमध्ये गाठलं आहे. मात्र अव्वल स्थानी जाण्याासाठी राजस्थानचा संघ जोर लावताना दिसून येईल. तर दुसरीकडे दिल्लीला सर्व सामने जिंकणं गरजेचं आहे. दिल्ली कॅपिटल्सने आतापर्यंत ११ पैकी ५ सामने जिंकले आहेत. हा संघ सध्या गुणतालिकेत सहाव्या स्थानी आहे. तर राजस्थान रॉयल्स संघाबद्दल बोलायचं झालं, तर राजस्थानने ८ सामने जिंकले असून हा संघ १६ गुणासंह अव्वल स्थानी आहे.

असा राहिलाय दोन्ही संघांचा हेड टू हेड रेकॉर्ड..

दिल्ली कॅपिटल्स आणि राजस्थान रॉयल्स या दोन्ही संघांचा हेड टू हेड रेकॉर्ड पाहिला, तर हे दोन्ही संघ २८ वेळेस आमने सामने आले आहेत. यादरम्यान राजस्थान रॉयल्सने १५ सामने जिंकले आहेत. तर दिल्ली कॅपिटल्स संघाला १३ सामने जिंकता आले आहेत. राजस्थान रॉयल्सविरुद्ध खेळताना २०७ धावा ही दिल्लीची सर्वोच्च धावसंख्या आहे. तर २२२ धावा ही राजस्थान रॉयल्स संघाची सर्वोच्च धावसंख्या आहे.

अरुण जेटली स्टेडियमवर खेळताना असा राहिलाय दोन्ही संघांचा हेड टू हेड रेकॉर्ड...

एकूण सामने - ८

दिल्ली कॅपिटल्स- ५

राजस्थान रॉयल्स- ३

खेळपट्टी कोणाला देणार साथ?

अरुण जेटली स्टेडियमची बाऊंड्रीलाईन छोटी आहे. त्यामुळे या मैदानावर धावांचा पाऊस पाहायला मिळतो. मुंबई इंडियन्स आणि दिल्ली कॅपिटल्स यांच्यादरम्यान झालेल्या सामन्यात दोन्ही संघांनी मिळून ५०० पेक्षा अधिक धावा कुटल्या होत्या. त्यामुळे या सामन्यातही मोठी धावसंख्या पाहायला मिळू शकते.

कसं असेल हवामान?

Accuweather.com च्या अंदाजानुसार, दिल्लीतील तापमान ३३ डिग्रीच्या आसपास असेल. तर सामन्यावेळी पाऊस पडणार नाही, असा अंदाज वर्तवण्यात आला आहे.