Mumbai Indians News: मुंबई इंडियन्सला मोठा धक्का! आयपीएल लिलावापूर्वी दिग्गज खेळाडूने सोडली संघाची साथ

Mumbai Indians News, Shane Bond:

मुंबई इंडियन्स हा आयपीएल स्पर्धेच्या इतिहासातील सर्वात यशस्वी संघ आहे. रोहित शर्माच्या नेतृत्वाखाली खेळणाऱ्या या संघाने आतापर्यंत ५ वेळेस जेतेपदावर नाव कोरलं आहे. दरम्यान मुंबईला चॅम्पियन बनवण्यात गोलंदाजी प्रशिक्षक शेन बाँडने मोलाची भूमिका बजावली आहे.

दरम्यान आयपीएल २०२४ स्पर्धा सुरू व्हायला अवघे काही दिवस शिल्लक असताना शेन बाँडने मुंबई इंडियन्सची साथ सोडण्याचा निर्णय घेतला आहे. यासह त्याने मुंबई इंडियन्स अमीरात संघाच्या मुख्य प्रशिक्षक पदावरून देखील माघार घेतली आहे.

अखेर ९वर्षांच्या प्रवासाला शेन बाँडने पूर्णविराम दिला आहे. याबाबत बोलताना त्याने म्हटले की,'मी ९ वर्षांचा प्रवास इथेच थांबवतोय. ही संधी दिल्याबद्दल मी अंबानी कुटुंबाचे आभार मानतो. हा एक सुखद अनुभव होता.

मैदानात आणि मैदानाच्या बाहेर आम्ही खूप आठवणी बनवल्या. इतक्या महान खेळाडूंसोबत आणि स्टाफसोबत काम करण्याची संधी मिळणं सौभाग्याची बाब आहे. मला या गोष्टींची खूप आठवण येईल. भविष्यासाठी शुभेच्छा.' (Latest sports updates)

मुंबई इंडियन्स संघासाठी शेन बाँडची कामगिरी.. .

मुंबई इंडियन्सने २०१५,२०१७,२०१९ आणि २०२० जेतेपदावर नाव कोरले होते,त्यावेळी शेन बाँड हा मुंबई इंडियन्सचा गोलंदाजी प्रशिक्षक होता. न्यूझीलंड संघासाठी १८ कसोटी, ८२ वनडे आणि २० टी-२० सामने खेळलेल्या शेन बाँडने मुंबईच्या गोलंदाजांना घडविण्यात मोलाची भूमिका बजावली आहे.

मुबंई इंडियन्सने आयपीएल स्पर्धेत आतापर्यंत ५ वेळेस जेतेपद मिळवलं आहे. पाचही वेळेस रोहित शर्मा मुंबई इंडियन्सचा कर्णधार होता.

आयपीएल २०२३ स्पर्धेत मुंबई इंडियन्सचा संघ गुणतालिकेत चौथ्या स्थानी होता. या हंगामातील १४ सामन्यांपैकी ८ सामन्यांमध्ये मुंबईने विजय मिळवला होता. तर ७ सामन्यांमध्ये मुंबईला पराभवाचा सामना करावा लागला होता.