ben stokes
ben stokestwitter

Ben Stokes Statement: रोहितमुळेच हा विजय शक्य झाला? इंग्लंडच्या विजयानंतर काय म्हणाला बेन स्टोक्स?

IND vs ENG 1st Test: भारत आणि इंग्लंड यांच्यातील पहिल्या कसोटी सामन्यात भारतीय संघाला पराभवाचा सामना करावा लागला आहे. दरम्यान या सामन्यानंतर इंग्लंडचा कर्णधार बेन स्टोक्सने मोठं वक्तव्य केलं आहे.
Published on

Ben Stokes Statement:

भारत आणि इंग्लंड या दोन्ही संघांमध्ये ५ कसोटी सामन्यांच्या मालिकेतील पहिला सामना हैदराबादमध्ये पार पडला. या सामन्यात भारतीय संघाला २८ धावांनी पराभवाचा सामना करावा लागला आहे. हा सामना जिंकल्यानंतर इंग्लंडचा कर्णधार बेन स्टोक्स याने मोठं वक्तव्य केलं आहे.

हा सामना झाल्यानंतर बोलताना बेन स्टोक्स म्हणाला की, ' जेव्हापासून मी संघाची जबाबदारी सांभाळली आहे तेव्हापासून अनेक असे आनंदाचे क्षण आले आहेत. आम्ही अनेक सामने जिंकले आहेत. तर काही सामने अटीतटीचे झाले आहेत. मात्र आम्ही जिथे आहोत, ज्यांच्याविरुद्ध खेळतोय. हा विजय आमच्यासाठी १०० टक्के मोठा विजय आहे. कर्णधार म्हणून मी पहिल्यांदाच भारतात आलो आहे.'

ben stokes
IND vs ENG 1st Test Day 4: इंग्लंडचं बॅझबॉल पडलं टीम इंडियावर भारी, रोहितच्या सेनेने मालिकेचा पहिला कसोटी सामना गमावला

इंग्लंडचा कर्णधार बेन स्टोक्स याने पुढे बोलताना म्हटले की, ' मी चांगला ऑब्जर्वर आहे. मला पहिल्या डावातून खूप काही शिकायला मिळालं. मी पाहिलं की, रोहित शर्मा फिरकी गोलंदाजांचा वापर कशा पद्धतीने करतोय. तो कुठल्या गोलंदाजासाठी कसं क्षेत्ररक्षण सजावतोय. सर्वांसाठीच हा सामना रोमांचक होता. टॉम हार्टलेने पदार्पणात ९ गडी बाद केले. ओली पोप दुखापतीतून सावरल्यानंतर कमबॅक करतोय.' (Latest sports updates)

ben stokes
WTC Points Table: दारुण पराभवानंतर टीम इंडियाला मोठा धक्का! वर्ल्ड टेस्ट चॅम्पियनशिप गुणतालिकेत मोठी उलथापालथ

' टॉम पहिल्यांदाच संघात आला आहे. मी त्याला मोठ्या स्पेल देण्याच्या तयारीत होतो. कारण मला माहीत होतं काहीही झालं तरी मला परत त्याच्याकडेच जायचं आहे. आम्ही त्यांना पूर्णपणे बॅक करतो ज्यांना आम्ही खेळण्यासाठी निवडलं आहे. मी स्वतःला भाग्यवान समजतो की, मला उपमहाद्वीपात अनेक सामने खेळण्याची संधी मिळाली.' असं बेन स्टोक्स म्हणाला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com