थाला म्हणजेच धोनी यंदाची आयपीएल खेळणार का? असा प्रश्न आयपीएलचा नवा सिझन सुरु होण्यापूर्वी हसखास विचारला जातो. धोनी या वर्षी रिटायर होणार का की पुढचा सिझन पण खेळणार, असा प्रश्न धोनीच्या चाहत्यांना नेहमी सतावत असतो. मात्र यंदाच्या आयपीएलपूर्वी बीसीसीआयने काही नवे नियम जाहीर केले आहेत.
चेन्नई सुपर किंग्जच्या चाहत्यांसाठी एक मोठी खुशखबरी आहे. एम एस धोनी पुन्हा एकदा इंडियन प्रिमीयर लीगमध्ये तुफान आणण्याची शक्यता आहे. भारतीय क्रिकेट कंट्रोल बोर्ड (BCCI) ने आयपीएल २०२५ साठी एक जुना नियम काढण्याचा निर्णय घेतला आहे. या निर्णयानुसार, धोनी पुन्हा एकदा चेन्नईच्या टीमचा भाग बनणार आहे.
यंदाच्या आयपीएलमध्ये अनकॅप्ड प्लेअर्स नियम पुन्हा लागू करण्यात आला आहे. या नियमानुसार, गेल्या पाच वर्षांपासून आंतरराष्ट्रीय क्रिकेट न खेळणारा खेळाडू अनकॅप्ड खेळाडू मानला जाणार आहे. मुळात याचा थेट फायदा महेंद्रसिंग धोनीला होणार आहे. जर खेळाडूचा BCCI सोबत केंद्रीय करार नसेल तर तो देखील अनकॅप्ड खेळाडू म्हणून गणला जाणार आहे. यामुळे एमएस धोनी आता अनकॅप्ड खेळाडूंच्या श्रेणीत येणार आहे.
या नियमामुळे धोनीच्या पगारात कपात होणार आहे. याचं कारण म्हणजे चेन्नई सुपर किंग्ज एमएस धोनीला अनकॅप्ड खेळाडू म्हणून 4 कोटी रुपयांमध्ये कायम ठेवणार आहे. नवीन नियमांनुसार, प्रत्येक टीम 6 खेळाडूंना कायम ठेवू शकते. ज्यामध्ये 5 कॅप्ड आणि 2 अनकॅप्ड खेळाडूंचा समावेश असणार आहे.
अशा परिस्थितीत चेन्नई सुपर किंग्जच्या 120 कोटींच्या ऑक्शनवर कोणताही परिणाम होणार नाही. शिवाय दुसरीकडे या सिझनसाठी धोनी 2008 पासून चेन्नई सुपर किंग्जशी जोडला गेलाय. धोनीच्या नेतृ्त्वाखाली सीएसकेच्या टीमने 5 वेळा (2010, 2011, 2018, 2021 आणि 2023) आयपीएलच्या ट्रॉफीवर आपलं नाव कोरलं आहे.
2008 ते 2010: 6 कोटी
2011 ते 2013: 8.28 कोटी
2014 ते 2017: 12.5 कोटी
2018 ते 2021: 15 कोटी
2022 ते 2024: 12 कोटी
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.