वर्ल्ड टेस्ट चॅम्पियनशची फायनल पाहता टीम इंडियासाठी प्रत्येक टेस्ट सामना आणि सिरीज महत्त्वाची आहे. बांगलादेशानंतर न्यूझीलंड आणि त्यानंतर ऑस्ट्रेलियाविरूद्ध टीम इंडियाला टेस्ट सिरीज खेळायची आहे. ऑस्ट्रेलियाविरूद्ध भारताला बॉर्डर-गावस्कर ट्रॉफी खेळायची आहे. २२ नोव्हेंबरपासून या सिरीजला सुरुवात होणार आहे. मात्र या सिरीजपूर्वी टीमला मोठा धक्का बसला आहे.
ऑस्ट्रेलियाच्या धर्तीवर भारत विरूद्ध ऑस्ट्रेलिया यांच्यामध्ये बॉर्डर-गावस्कर ट्रॉफी खेळवली जाणार आहे. २२ नोव्हेंबर ते ७ जानेवारी या कालावधीमध्ये ही सिरीज खेळवली जाणार आहे. दरम्यान या सिरीजपूर्वी ऑस्ट्रेलियाच्या टीमचा मॅचविनर खेळाडू जखमी झाला आहे. त्यामुळे कांगारूंचं टेन्शन वाढलं आहे.
22 नोव्हेंबरपासून सुरू होणाऱ्या बॉर्डर गावस्कर सिरीजपूर्वी ऑस्ट्रेलियाच्या टीमला मोठा धक्का बसला आहे. ऑस्ट्रेलियाचा ऑलराऊंडर खेळाडू कॅमेरून ग्रीन जखमी झाल्याची माहिती आहे. यावेळी ग्रीन पाठीच्या दुखापतीमुळे इंग्लंड दौऱ्यातून बाहेर झाला आहे. त्यामुळे आगामी काळात भारताविरुद्धच्या पाच टेस्ट सामन्यांच्या सिरीजसाठी तो खेळणार की नाही यावर प्रश्नचिन्ह उपस्थित झालं आहे.
ऑस्ट्रेलियाचा 25 वर्षीय खेळाडू कॅमेरून ग्रीन बुधवारी चेस्टर-ले-स्ट्रीटमध्ये झालेल्या तिसऱ्या सामन्यानंतर दुखापतीच्या कारणामुळे इंग्लंडविरुद्धच्या वनडे सिरीजमधील शेवटच्या दोन सामन्यांमधून बाहेर पडलाय. मिळालेल्या माहितीनुसार, दुखापतीमुळे त्याला शुक्रवारी लॉर्ड्सवर होणाऱ्या चौथ्या वनडेतूनही मुकावं लागणार आहे.
स्कॅनमध्ये पाठीला दुखापत किती गंभीर आहे, यानंतर तो भारताविरूद्ध खेळणार की नाही हे निश्चित होणार आहे. 'cricket.com.au' नुसार, ऑस्ट्रेलियन पुरुष टीमच्या प्रवक्त्याने दिलेल्या माहितीनुसार, ग्रीन पर्थला पोहोचेपर्यंत त्यांच्या दुखापतीची गंभीरता आणि तो कमबॅक कधी करेल हे सांगता येणार नाही.
पहिली टेस्ट - 19 नोव्हेंबर 2024 ते 26 नोव्हेंबर2024, सकाळी 8:00 सकाळी, पर्थ
दुसरी टेस्ट - 6 डिसेंबर 2024 ते 10 डिसेंबर 2024, सकाळी 9:30 सकाळी, एडिलेड
तिसरी टेस्ट - 14 डिसेंबर 2024 ते 18 डिसेंबर 2024, सकाळी 5:30 सकाळी, ब्रिस्बेन
चौथी टेस्ट - 26 डिसेंबर 2024 ते 30 डिसेंबर 2024, सकाळी 5:30 सकाळी, मेलबर्न
पाचवी टेस्ट - 3 जानेवारी 2025 ते 7 जानेवारी 2025, सकाळी 5:30 सकाळी, सिडनी
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.