भारतीय संघाला वनडे वर्ल्डकप स्पर्धेतील पहिला सामना ऑस्ट्रेलियाविरुद्ध खेळायचा आहे. या सामन्यापूर्वी आनंदाची बाब अशी की, भारतीय संघातील सर्वच फलंदाज फॉर्ममध्ये परतले आहेत. कर्णधार रोहित शर्मा देखील जोरदार फॉर्ममध्ये असल्याचं दिसून आलं आहे.
ऑस्ट्रेलियाविरुद्ध होणाऱ्या सामन्यात रोहित शर्मा महत्वाची भूमिका बजावू शकतो. दरम्यान या सामन्यापूर्वी मार्नस लाबुशेनन रोहित शर्माबद्दल मोठं वक्तव्य केलं आहे.
इंडिया टुडेच्या वृत्तानुसार, मार्नस लाबुशेनने असं म्हटलं की, ' रोहित शर्मा असा फलंदाज आहे जो कुठलीही जोखीम न घेता सहज धावा कुटतो. एकदा तो फॉर्ममध्ये परतला तर त्याला धावा करण्यापासून रोखणं कठीण होऊन जाईल.' नुकताच भारत आणि ऑस्ट्रेलिया या दोन्ही संघांमध्ये ३ वनडे सामन्यांची मालिका पार पडली. या मालिकेत भारतीय संघाने २-१ ने विजय मिळवला आहे.
ऑस्ट्रेलियाविरुद्धच्या पहिल्या सामन्यात भारतीय संघाने ५ गडी राखून विजय मिळवला होता. तर दुसऱ्या सामन्यात भारतीय संघाने ९९ धावांनी विजय मिळवला होता. मात्र तिसऱ्या सामन्यात भारतीय संघाला पराभवाचा सामना करावा लागला होता.
या दोन्ही सामन्यांमध्ये रोहित शर्माला विश्रांती देण्यात आली होती. तर तिसऱ्या सामन्यात रोहित शर्माने कमबॅक केलं होतं. मात्र तिसऱ्या सामन्यात भारतीय संघाला ६६ धावांनी पराभवाचा सामना करावा लागला. या सामन्यात रोहित शर्माने ५७ चेंडूंचा सामना करत ८१ धावांची खेळी केली. (Latest sports updates)
चेन्नईत रंगणार सामना..
वनडे वर्ल्डकप स्पर्धेतील पहिला सामना ५ ऑक्टोबर रोजी इंग्लंड आणि न्यूझीलंड या दोन्ही संघांमध्ये रंगणार आहे. हा सामना अहमदाबादच्या नरेंद्र मोदी स्टेडियमवर रंगणार आहे. तर भारतीय संघाचा पहिला सामना ८ ऑक्टोबर रोजी ऑस्ट्रेलियाविरुद्ध होणार आहे. हा सामना चेन्नईच्या एमए चिदंबरम स्टेडियमवर खेळवला जाईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.