IND Vs PAK Final सामन्यात राडा! जसप्रीत बुमराह संतापला अन् साहिबजादा फरहानला भिडला, नक्की काय घडलं? VIDEO

Asia Cup 2025 IND Vs PAK Final दुबईच्या आंतरराष्ट्रीय क्रिकेट स्टेडियमवर आशिया कप २०२५ चा अंतिम सामना रंगला आहे. भारत-पाकिस्तान या हाय-व्होल्टेज सामन्यादरम्यान वाद झाल्याचे पाहायला मिळाले. पाकिस्तानचा सलामीवीर साहिबजादा फरहान आणि भारताचा स्टार गोलंदाज जसप्रीत बुमराह यांच्यात सामन्याच्या सुरुवातीलाच जोरवाद वाद झाला. याने सर्वांचे लक्ष वेधले.

भारतीय कर्णधार सूर्यकुमार यादवने टॉस जिंकला आणि फलंदाजी करण्यासाठी पाकिस्तानला आमंत्रित केले. सामन्यामध्ये साहिबजादा फरहानने अर्धशतकीय खेळी केली. त्याने जसप्रीत बुमराहच्या ओव्हरमध्ये धावा काढल्या. बुमराहच्या ओव्हरमध्ये फरहानने षटकार मारल्यानंतर दोघांमध्ये गरमागरमी झाल्याचे पाहायला मिळाले.

साहिबजादा फरहान आणि जसप्रीत बुमराह या दोन्ही खेळाडूंनी एकमेकाकडे पाहून काहीतरी म्हटले. दोघांमध्ये वाद झाल्यानंतर मैदानावर तणावपूर्ण वातावरण निर्माण झाले. सुदैवाने वाद वाढला नाही आणि दोन्ही खेळाडू एकमेकांपासून दूर गेले. या घटनेचा व्हिडीओ सोशल मीडियावर व्हायरल होत आहे. पुढे जसप्रीत बुमराहने विकेट घेतल्यानंतर पाकिस्तानच्या संघाला अचूक उत्तर दिले.

आशिया कप २०२५ मध्ये जसप्रीत बुमराहविरुद्ध साहिबजादा फरहानचा उल्लेखनीय रेकॉर्ड आहे. त्याने आजच्या सामन्यामध्ये ३४ चेंडूत ५१ धावा केल्या. त्याने सहा चौकार आणि तीन षटकार मारले. सर्वात महत्त्वाचे म्हणजे बुमराह त्याला एकदाही बाद करू शकला नाहीये. टी-२० आंतरराष्ट्रीय सामन्यात बुमराह विरुद्ध सर्वाधिक षटकार मारणारा साहिबजादा फरहान हा जगातील एकमेव फलंदाज आहे.