Railway Recruitment: कोणत्याही परीक्षेशिवाय मिळणार रेल्वेत नोकरी; २८०० पेक्षा जास्त पदांसाठी भरती; आजच करा अर्ज

रेल्वेत नोकरी करण्याची सुवर्णसंधी तुमच्याकडे आहे. कोणत्याही परीक्षेशिवाय तुम्हाला सरकारी नोकरी करण्याची सुवर्णसंधी मिळणार आहे. तरुणांना सरकारी नोकरीची ही उत्तम संधी आहे. त्यामुळे इच्छुकांनी लवकरात लवकर नोकरीसाठी अर्ज करावेत. रेल्वे रिक्रुटमेंट सेलने भरती जाहीर केली आहे. रेल्वे रिक्रूटमेंट सेलने २८०० पेक्षा जास्त पदांसाठी भरती जाहीर करण्यात आली आहे. या नोकरीसाठी तुम्ही अधिकृत वेबसाइटवर जाऊन अर्ज करावेत.

रेल्वेत २८६५ पदांसाठी भरती

रेल्वे रिक्रूटमेंट सेलने पश्चिम-मध्य रेल्वेत ही भरती जाहीर केली आहे. १०वी पास तरुणांसाठी नोकरीची ही उत्तम संधी आहे. ही भरती अप्रेंटिस पदासाठी होणार आहे. एकूण २८६५ पदांसाठी ही भरती जाहीर करण्यात आली आहे. या नोकरीसाठी अर्ज करण्यासाठी सुरुवात झाली आहे. ३० ऑगस्टपासून अर्जप्रक्रिया सुरु झाली आहे. तुम्ही wcr.indianrailways.gov.in या वेबसाइटवर जाऊन ऑनलाइन पद्धतीने अर्ज करु शकतात.

रेल्वेतील या नोकरीसाठी अर्ज करण्याची शेवटची तारीख २९ सप्टेंबर २०२५ आहे. या नोकरीसाठी अर्ज करण्यासाठी १०वी पास सर्टिफिकेट आणि आयटीआयमध्ये संबंधित क्षेत्रात सर्टिफिकेट प्राप्त केलेले असावे.

पश्चिम मध्य रेल्वेत लोहार, इलेक्ट्रिशियन, फिटर, मॅकेनिक, प्लंबर, वेल्डर, वायरमॅन पदांसाठी भरती जाहीर करण्यात आली आहे. वेगवेगळ्या डिवीजनमध्ये ही भरती केली जाणार आहे.

पात्रता

या नोकरीसाठी अर्ज करणाऱ्या उमेदवारांनी दहावी पास असणे अनिवार्य आहेत. याचसोबत संबंधित ट्रेडमध्ये आयटीआय सर्टिफिकेट प्राप्त केलेले असावे.या नोकरीसाठी १५ ते २४ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे.

रेल्वेमधील ही भरती कोणत्याही परीक्षेशिवाय होणार आहे. या नोकरीसाठी उमेदवारांची निवड १०वी आणि आयटआयमधील गुणांच्या आधारे होणार आहे. या नोकरीसाठी उमेदवारांना स्टायपेंड मिळणार आहे.

अर्ज कसा करावा?

सर्वात आधी तुम्हाला wcr.indianrailways.gov.in या वेबसाइटवर जायचे आहे.

तिथे Recruitment टॅबवर क्लिक करा. यानंतर Engagement Of Act Apprentices वर क्लिक करा.

यानंतर तुमचे नाव, पत्ता, मोबाईल नंबर आणि इतर माहिती भरा.

यानंतर १०वी सर्टिफिकेट, पासपोर्ट साइज फोटो, आयटीआय सर्टिफिकेट अपलोड करावे.

यानंतर अर्ज सबमिट करा.