PNB Recruitment: पंजाब नॅशनल बँकेत नोकरीची संधी; ७५० पदांसाठी भरती; पगार ८५९२० रुपये, अर्ज कसा करावा?

सरकारी बँकेत नोकरी करण्याची सुवर्णसंधी तुमच्याकडे आहे. पंजाब नॅशनल बँकेत सध्या भरती जाहीर करण्यात आली आहे. पंजाब नॅशनल बँकेत लोकल बँक ऑफिसर पदांसाठी भरती जाहीर करण्यात आली आहे. यामध्ये ७५० पदे भरती केली जाणार आहे. या नोकरीबाबत अधिकृत अधिसूचना pnb.bank.in या वेबसाइटवर देण्यात आली आहे.

पंजाब नॅशनल बँकेत भरती

पंजाब नॅशनल बँकेतील नोकरीसाठी अर्जप्रक्रया ३ नोव्हेंबरपासून सुरु झाली आहे. या नोकरीसाठी अर्ज करण्याची शेवटची तारीख २३ नोव्हेंबर २०२५ आहे. या नोकरीसाठी इच्छुकांनी लवकरात लवकर अर्ज करावेत.

पंजाब नॅशनल बँकेतील लोकल बँक ऑफिसर पदासाठी उमेदवारांची निवड लेखी परीक्षेद्वारे होणार आहे. तुम्ही जर सरकारी नोकरीची तयारी करत असाल तर ही तुमच्यासाठी उत्तम संधी आहे.तुम्हाला परीक्षा द्यायची आहे. या परीक्षेत पास झाल्यानंतरच तुमची निवड होणार आहे.

पंजाब नॅशनल बँकेत JMGS-I ग्रेड पदासाठी भरती केली जाणार आहे. ग्रॅज्युएट उमेदवारांनी या नोकरीसाठी अर्ज करायचे आहेत. २० ते ३० वयोगटातील उमेदवारांनी अर्ज करायचा आहे. या नोकरीसाठी तुमची निवड लेखी परीक्षा, लोकल लँग्वेज टेस्ट आणि पर्सनल इंटरव्ह्यूद्वारे होणार आहे. ही परीक्षा डिसेंबर २०२५ किंवा जानेवारी २०२६ मध्ये होणार आहे.

पात्रता (Education Qualification)

पंजाब नॅशनल बँकेतील या नोकरीसाठी अर्ज करण्यासाठी तुम्ही मान्यताप्राप्त विद्यापीठातून पदवी प्राप्त केलेली असावी. त्यांच्याकडे मार्कशीट असणे गरजेचे आहे. या नोकरीसाठी अर्ज करणाऱ्या उमेदवारांना १ वर्षाचा अनुभव असावा.या नोकरीसाठी निवड झाल्यावर तुम्ही ४८४८० ते ८५९२० रुपये पगार मिळणार आहे.