Bank Jobs: महत्त्वाची बातमी! जिल्हा मध्यवर्ती बँकेत जिल्ह्यातील तरुणांना प्राधान्य; ७० टक्के जागा राखीव

बँकेत नोकरी करण्याचे अनेक तरुणांचे स्वप्न आहे. बँकेत दरवर्षी विविध पदांसाठी भरती निघते. जिल्हा बँकांमध्येही वर्षभरात विविध पदांसाठी भरती जाहीर होते. दरम्यान, राज्यातील जिल्हा मध्यवर्ती सहकारी बँकांमधील भरती अधिक पारदर्शक करण्यासाठी सरकारने महत्त्वाचा निर्णय घेतला आहे.

आता यापुढे जिल्हा बँकांमधील भरतीमध्ये जिल्ह्यातील नागरिकांसाठी ७० टक्के जागा राखीव ठेवण्याचा निर्णय घेतला आहे. यामुळे जिल्ह्यातील स्थानिक तरुणांना नोकरीची संधी उपलब्ध होणार आहे. त्यांना जास्तीत जास्त प्रमाणात बँकेत काम करण्यासाठी संधी दिली जाणार आहे. यामुळे तरुणांना रोजगार निर्माण होणार आहे.

जिल्हा बँकेतील नोकरीसाठी राज्यातील कोणत्याही जिल्ह्यातून उमेदवार अर्ज करु शकत होता. दरम्यान, आता यामधील ७० टक्के जागा जिल्ह्यातील तरुणांसाठी राखीव ठेवण्यात आल्या आहेत.

जिल्हा बँकांमध्ये सभासद हे जिल्ह्यातील नागरिक असतात. त्यामुळे नोकरभरतीमध्ये स्थानिकांना प्रधान्य द्यावे, अशी मागणी केली होती. दरम्यान, नुकत्याच झालेल्या पुणे जिल्हा मध्यवर्ती सहकारी बँकेच्या वार्षिक सर्वसाधारण सभेत ही मागणी सभासदांनी केली होती.

पुणे जिल्हा मध्यवर्ती बँकेत येत्या काही दिवसात लेखनिक, शिपाई, वाहनचालक पदांसाठी भरती केली जाणार आहे. १०८० पदांसाठी ही भरती केली जाणार आहे. ही भरती करताना पुणे जिल्ह्यातील मुलांनाच प्राधान्य दिले जाणार आहे. शेतकऱ्यांच्या मुलांनी जास्ती जास्त अर्ज करायचे आहे. ही भरती शेतकऱ्यांच्या मुलांनी प्रधान्य देणारी असणार आहे.शक्य असल्यास मदत करु, असं अजित पवारांनी आश्वासन दिले आहे.