Bank Holidays : नोव्हेंबरमध्ये तब्बल ११ दिवस बँका बंद, डिजिटल सेवा मात्र २४ तास सुरू राहणार | VIDEO

नोव्हेंबर महिन्यात बँकेत जाण्याचा विचार करत असाल, तर ही बातमी तुमच्यासाठी महत्त्वाची आहे. आरबीआयच्या कॅलेंडरनुसार, 'नोव्हेंबर मध्ये अकरा दिवस बँका बंद राहणार आहेत. यामध्ये रविवार तसेच महिन्याचा दुसरा आणि चौथा शनिवार या नियमित सुट्ट्यांचा समावेश आहे. याव्यतिरिक्त, गुरु नानक जयंतीसारख्या सणांमुळे देशातील वेगवेगळ्या राज्यांमध्ये बँका बंद राहतील. महाराष्ट्रात गुरु नानक जयंतीनिमित्त ५ नोव्हेंबर रोजी सुट्टी असेल. त्यामुळे बँकेत जाण्यापूर्वी सुट्ट्यांची संपूर्ण यादी तपासणे महत्त्वाचे आहे. दिलासादायक बाब म्हणजे, या सुट्ट्यांच्या काळात एटीएम, मोबाईल बँकिंग, नेट बँकिंग आणि यूपीआय (UPI) यांसारख्या डिजिटल सेवा २४ तास सुरू राहतील, ज्यामुळे तुमची अत्यावश्यक कामे खोळंबणार नाहीत.

या दिवशी बॅंका बंद राहणार : -

५ नोव्हेंबर, ७ नोव्हेंबर, ८ नोव्हेंबर, ९ नोव्हेंबर, ११ नोव्हेंबर, १६ नोव्हेंबर, २२ नोव्हेंबर, २३ नोव्हेंबर आणि ३० नोव्हेंबर. नमूद केलेल्या सर्व दिवशी बॅंका बंद राहणार आहेत.