ऑइल अँड नॅचरल गॅस कॉर्पोरेशनमध्ये मोठी भरती सुरु आहे. ओएनजीसीमध्ये २६२ पदांसाठी रिक्त जागा आहेत. त्यामुळे या पदांसाठी उमेदवारांकडून अर्ज मागवले जात आहेत. यामध्ये भरती मोहिमेद्वारे वैद्यकीय अधिकारी पदांची भरती केली जाणार आहे. त्यामुळे इच्छुक उमेदवारांना अर्ज पाठवण्यास सांगितले आहे. अर्ज पाठवण्याची शेवटची तारीख २३ जून म्हणजे उद्या आहे. त्यामुळे लवकरात लवकर अर्ज करा.
ओएनजीसीमध्ये वैद्यकीय अधिकारी, फील्ड ड्युटी, होमिओपॅथी आणि स्पेशलिस्ट, ऑक्युपेशनल हेल्थ या पदांसाठी ही भरती केली जाणार आहे. यासाठी तुम्ही अर्ज करु शकता. या पदांसाठी ऑनलाइन पद्धतीने अर्ज करु शकणार आहेत. त्यासाठी तुम्हाला ongcindia.com या वेबसाइटला भेट द्यावी लागणार आहे. या वेबसाइटवर अर्ज कसा भरायचा, या पदांसाठी शैक्षणिक पात्रता काय आहे याबाबत माहिती दिली आहे.
या पदांसाठी २६२ वैद्यकीय अधिकाऱ्यांची भरती केली जाणार आहे. विशेष म्हणजे यासाठी उमेदवारांना कोणतीही परीक्षा द्यावी लागणार नाही. त्यांना मिळालेले गुण आणि मुलाखतीच्या आधारे योग्य उमेदवारांची निवड केली जाणार आहे.
उमेदवारांच्या निवडप्रक्रियेसाठी त्यांना शैक्षणिक अभ्यासक्रमात मिळाळेल्या गुणांना ७० टक्के वेटेज तर मुलाखतीतील गुणांना ३० टक्के वेटेज दिले जाणार आहे. उमेदवाराच्या गुणांच्या आधारे अंतिम निवड करण्यात येणार आहे. एमबीबीएस पदवी असलेले उमेदवार या पदांसाठी अर्ज करु शकतात. तर काही पदांसाठी एमडी पदवी असणे आवश्यक आहे. या पदांसाठी निवड झाल्यास उमेदवारांचे पोस्टिंग वेगवेगळ्या ठिकाणी केले जाईल. या पदांवर निवड झालेल्या उमेदवारांना दर महिना ५० ते १ लाख ३० हजार रुपये वेतन मिळणार आहे. याबाबत अधिक माहिती अधिकृत वेबसाइटवर देण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
