Indian Bank Recruitment: इंडियन बँकेत १५०० शिकाऊ पदांसाठी भरती;अर्ज कसा करायचा? जाणून घ्या

बँकेत नोकरी करण्याची इच्छा असणाऱ्या तरुणांसाठी नोकरीची संधी आहे. इंडियन बँकेत शिकाऊ पदांसाठी भरती सुरु आहे. १५०० जागांसाठी ही भरती जाहिर करण्यात आली आहे. इच्छुक उमेदवारांनी ऑनलाइन पद्धतीने अर्ज करायचा आहे. या नोकरीसाठी अर्ज करण्याची शेवटची तारीख ३१ जुलै २०२४ आहे. या नोकरीसाठी शैक्षणिक पात्रता निश्चित करण्यात आली आहे.

इंडियन बँक ही सार्वजनिक क्षेत्रातील मोठी बँक आहे. बँकेने अप्रेंटिस पदासाठी भरती जाहीर केली आहे. १० जुलै २०२४ रोजी याबाबत अधिसूचना जाहीर करण्यात आली आहे. तुम्ही www.indian.bank.in या वेबसाइटवर जाऊन याबाबत फॉर्म भरु शकतात.

ज्या तरुणांना बँकेत काम करण्याची इच्छा आहे. भविष्यात त्यांना बँकर बनायचे आहे त्यांच्यासाठी ही चांगली संधी आहे.१० जुलै म्हणजेच आजपासून अर्ज प्रक्रिया सुरु झाली आहे. २० ते २८ वयोगटातील लोक या नोकरीसाठी अर्ज करु शकतात.या नोकरीसाठी अर्ज करणाऱ्या उमेदवाराने कोणत्याही शाखेतील पदवी प्राप्त असणे आवश्यक आहे.

या नोकरीसाठी अर्ज कसा करावा?

इंडियन बँकेतील अप्रेंटिस पदासाठी अर्ज करण्यासाठी सर्वप्रथम www.indian.bank.in या वेबसाइटला भेट द्या. त्यानंतर करिअर पेजवर क्लिक करा. तिथे तुम्ही भरतीबाबत सर्व माहिती देण्यात आली आहे. त्यातील इंडियन बँक अपरेंटिस भरती २०२४ वर क्लिक करा. त्यानंतर एक लिंक ओपन होईल. या लिंकवर जाऊन तुम्हाला आवश्यक माहिती भरावी. यानंतर त्या फॉर्मची प्रिंट आउट तुमच्याजवळ ठेवा.

ही भरती संपूर्ण देशातील वेगवेगळ्या शाखेसाठी केली जाणार आहे. यात महाराष्ट्रातदेखील अनेक शाखांसाठी भरती जाहीर केली आहे.या नोकरीचा अर्ज दाखल करताना सामान्य,EWS,OBC प्रवर्गातील उमेदवारांनी ५०० रुपये शुल्क भरायचे आहे.