NTPC Recruitment: सरकारी नोकरीची सुवर्णसंधी; NTPC मध्ये भरती; पगार २ लाख रुपये; अर्ज कसा करावा?

सरकारी नोकरीच्या शोधात असाल तर ही माहिती खास तुमच्यासाठी. एनटीपीसीमध्ये नोकरी करण्याची सुवर्णसंधी तुमच्याकडे आहे. नॅशनल थर्मल पॉवर कॉर्पोरेशनमध्ये जनरल मॅनेजर पदासाठी भरती जाहीर करण्यात आली आहे. या नोकरीसाठी अर्जप्रक्रिया ६ मार्चपासून सुरु झाली आहे.

एनटीपीसीमधील या नोकरीसाठी उमेदवारांनी careers.ntpc.co.in या वेबसाइटवर जाऊन अर्ज करायचा आहे. या नोकरीसाठी अर्ज करण्याची शेवटची तारीख २० मार्च २०२५ आहे. या नोकरीसाठी इच्छुक उमेदवारांनी लवकरात लवकर अर्ज करावेत.

नॅशनल थर्मल पॉवर कॉर्पोरेशनमध्ये कंपनी सेक्रेटरीसाठी जनरल मॅनेजर पदासाठी भरती जाहीर केली आहे. या नोकरीसाठी अर्ज करणाऱ्या उमेदवारांना २३ वर्षांचा कामाचा अनुभव असावा. यामध्ये ७ वर्षांचा अनुभव लिस्टेड कंपनीमध्ये असावा. या नोकरीबाबत अधिसूचना जाहीर करण्यात आली आहे.

एनटीपीसीमधील या नोकरीसाठी अर्ज करणाऱ्या उमेदवाराची वयोमर्यादा ५५ वर्षे निश्चित करण्यात आली आहे. या नोकरीसाठी तुम्हाला १,२०,००० ते २,८०,००० रुपये पगार मिळणार आहे. या नोकरीसाठी अर्ज करणाऱ्या उमेदवारांना आवश्यक कागदपत्रे अपलोड करायची आहेत.

या नोकरीसाठी अर्ज करताना तुम्हाला ३०० रुपये शुल्क भरायचे आहे. यासाठी तुम्ही careers.ntpc.co.in यावर जाऊन अर्ज करायचा आहे. अर्ज केल्यानंतर तुम्ही प्रिंट आउट काढून ठेवा.