Central Bank Recruitment: खुशखबर! सेंट्रल बँकेत नोकरीची संधी; २७५ पदांसाठी भरती; अर्ज कसा करावा?

बँकिंग क्षेत्रात नोकरी करण्याची इच्छा असणाऱ्यांसाठी महत्त्वाची बातमी आहे. सेंट्रल बँक ऑफ इंडियामध्ये नोकरी करण्याची सुवर्णसंधी तुमच्याकडे आहे. सेंट्रल बँकेत आयटी, सायबर सिक्युरिटी या विभागात नोकरी करण्याची संधी आहे. अनुभवी उमेदवारांसाठी नोकरीची संधी आहे.

सेंट्रल बँक ऑफ इंडियाने स्पेशलिस्ट ऑफिसर पदासाठी भरती जाहीर केली आहे. २७५ पदांसाठी अधिसूचना जाहीर केली आहे. या नोकरीसाठी इच्छुक उमेदवारांनी ऑनलाइन पद्धतीने अर्ज करायचा आहे. या नोकरीसाठी अर्जप्रक्रिया २८ फेब्रुवारीपासून अर्जप्रक्रिया सुरु झाली आहे. या नोकरीसाठी अर्ज करण्याची शेवटची तारीख २३ मार्च २०२६ असणार आहे. या नोकरीसाठी इच्छुकांनी अर्ज करायचा आहे.

या पदांसाठी होणार भरती

सेंट्रल बँकेत २७५ पदांसाठी भरती होणार आहे. यामध्ये सॉफ्टवेअर डेव्हलपमेंट,मोबाईल अॅप्लिकेशन डेव्हलपमेंट, डेटाबेस अॅडमिनिस्ट्रेशन, डिजिटल चॅनल मॅनेजमेंट, सायबर सुरक्षा, नेटवर्क अँड क्लाउड मॅनेजमेंट, विंडोज आणि अॅक्टिव्ह डायरेक्टरी अॅडमिनिस्ट्रेशन, डेटा इंजिनियरिंग अशा विविध विभागात भरती होणार आहे.

पात्रता

सेंट्रल बँक ऑफ इंडियामधील या नोकरीसाठी तुम्ही मान्यताप्राप्त विद्यापीठातून बीई आणि बीटेक डिग्री प्राप्त केलेली असावी. एमसीए डिग्रीप्राप्त उमेदवारदेखील अर्ज करु शकतात. २ ते १० वर्षांचा अनुभव असायला हवा.

अर्ज कसा करावा? (Application Process)

तुम्हाला सर्वात आधी सेंट्रल बँकेच्या वेबसाइटवर जायचे आहे. तिथे न्यू रजिस्ट्रेशनवर क्लिक करा.

यानंतर तुम्हाला रजिस्ट्रेशन करायचे आहे.यानंतर नंबर एसएमएस किंवा ईमेलवर पाठवला जाईल.

यानंतर तुम्हाला लॉग इन करायचे आहे.

तुमची सर्व माहिती भरायची आहे. याचसोबत कागदपत्र अपलोड करा.

यानंतर एकदा फॉर्म चेक करुन त्याची प्रिंट आउट काढायची आहे.