BMC Recruitment : मुंबई महापालिकेत नोकरीची संधी; पगार ३०,००० रुपये; आजच करा अर्ज

सरकारी नोकरीच्या (Government Job) शोधात असणाऱ्या तरुणांसाठी महत्त्वाची बातमी आहे. मुंबई महानगरपालिकेत सध्या भरती जाहीर करण्यात आली आहे. मुंबई महानगरपालिकेत (BMC) सार्वजनिक आरोग्य विभागाअंतर्गत स्टाफ नर्स पदांसाठी भरती जाहीर करण्यात आली आहे. या नोकरीसाठी इच्छुक उमेदवारांकडून ऑफलाइन पद्धतीने अर्ज मागवण्यात आले आहेत.

बृहन्मुंबई महानगरपालिकेच्या भरती मोहिमेअंतर्गत २ जागांवर भरती केली जाणार आहे. या नोकरीसाठी निवड झाल्यावर उमेदवारांना ३०,००० रुपये पगार मिळणार आहे. १८ ते ३८ वयोगटातील उमेदवार या नोकरीसाठी अर्ज करु शकतात. (BMC Recruitment)

शैक्षणिक पात्रता (BMC Recruitment Eligibility)

बृहन्मुंबई महानगरपालिकेतील नोकरीसाठी उमेदवारांनी मान्यताप्राप्त विद्यापीठातून १२वी पास केलेली असावी. याचसोबत जनरल नर्सिंग अँड मिडवायफरी डिप्लोमा केलेला असावा. उमेदवार हा महाराष्ट्र नर्सिंग कौन्सिलद्वारे नोंदणीकृत असावा. तसेच मराठी विषयात उत्तीर्ण असावे. त्याच्याकडे संगणक प्रशिक्षणाचे (MS CIT,DOEACC) प्रमाणपत्र असणे आवश्यक आहे.

उमेदवारांना आपला अर्ज ७ नोव्हेंबरपर्यंत पाठवायचा आहे. इच्छुकांनी अर्ज दुसरा मजला, श्रीम. दि. मो, माँ सर्व सा. रुग्णालय चेंबूर येथे पाठवायचा आहे. अधिक माहितीसाठी तुम्ही अधिकृत वेबसाइटवर दिलेली माहिती वाचावी. या नोकरीसाठी निवड झाल्यावर तुम्हाला चांगला पगार मिळणार आहे.

सार्वजनिक विभागात हॉस्पिटलमध्ये नोकरी करण्याची संधी तुम्हाला मिळणार आहे. त्यामुळे जर तुम्ही नर्सिंगचा कोर्स केला असेल तर ही तुमच्यासाठी उत्तम संधी आहे. या संधीचं सोनं करा आणि लगेच तुमचा अर्ज दिलेल्या पत्त्यावर पाठवून द्या.