China President Xi Jinping News: भारताचा शेजारी असलेल्या चीन (People's Republic of China) या देशात शी जिनपिंग हे तिसऱ्यांदा सत्तेत आले आहेत. जिनपिंग ते सलग तिसऱ्यांदा देशाचे राष्ट्रपती म्हणून निवडले गेले आहेत. यामुळे जिनपिंग यांनी चीनच्या राजकारणावर आपली असलेली मजबूत पकड पुन्हा एकदा दाखवली आहे. (Xi Jinping News)
कम्युनिस्ट पार्टी ऑफ चायना काँग्रेसचे 20 वे अधिवेशन संपल्यानंतर शी जिनपिंग यांची पुन्हा राष्ट्रपतीपदी निवड झाली आहे. अपेक्षेप्रमाणे त्यांची सलग तिसऱ्यांदा पक्षाच्या सरचिटणीसपदीही निवड झाली आहे. चीनमध्ये, या पदासाठी निवडलेला नेता देशाचा राष्ट्रपती असतो आणि पीपल्स लिबरेशन आर्मी (PLA) चा कमांडर देखील असतो.
जिनपिंग तिसऱ्यांदा चीनचे राष्ट्राध्यक्ष बनल्याने पक्षाचा तीन दशके जुना नियमही मोडीत निघाला आहे. वास्तविक, चीनमध्ये 1980 नंतर सर्वोच्च पदावर 10 वर्षांच्या कार्यकाळाचा नियम करण्यात आला. मात्र, जिनपिंग यांना आणखी पाच वर्षे सत्तेवर ठेवण्यासाठी हा नियम बाजूला ठेवण्यात आला. (LIVE Marathi News)
दरम्यान जिनपिंग या वर्षी सीपीसी (Communist Party of China) प्रमुख आणि अध्यक्ष म्हणून 10 वर्षांचा कार्यकाळ पूर्ण करत आहेत. पक्षाचे संस्थापक माओ झेडोंग (Mao Zedong) यांच्यानंतर तिसऱ्यांदा सत्तेवर असणारे ते पहिले चिनी नेते ठरले आहेत. माओ त्से तुंग यांनी सुमारे तीन दशके चीनवर राज्य केले. तिसऱ्यांदा राष्ट्रपतीपद मिळवणे म्हणजे जिनपिंग यांचाही माओप्रमाणे आयुष्यभर सत्तेत राहण्याचा मानस आहे, असे तज्ज्ञांचे मत आहे. (Tajya Batmya)
जिनपिंग हे चीनच्या कम्युनिस्ट पक्षाच्या केंद्रीय समितीचे सदस्यही आहेत. या 25 सदस्यीय 'पॉलिट ब्युरो'ने निवडणुकीच्या आधारे चीनवर राज्य करण्यासाठी स्थायी समितीचे सात किंवा अधिक सदस्य निवडले. या समितीतून जिनपिंग यांची पक्षाचे सरचिटणीस म्हणूनही निवड झाली. त्यांच्याकडे पुढील पाच वर्षांसाठी पक्ष आणि देशाच्या नेतृत्वाची जबाबदारी सोपवण्यात आली आहे.
विशेष म्हणजे केंद्रीय समितीच्या सदस्यांच्या यादीतून अनेक नेत्यांची नावे वगळण्यात आली. यामध्ये पंतप्रधान ली किंग (67), नॅशनल पीपल्स काँग्रेसचे अध्यक्ष ली झांशु (72), चायनीज पीपल्स पॉलिटिकल कन्सल्टेटिव्ह कॉन्फरन्सचे अध्यक्ष वांग यांग (67), माजी उपपंतप्रधान हान झेंग (67) यांचा समावेश आहे. हे सर्व नेते शी जिनपिंग यांच्या अध्यक्षतेखालील सात सदस्यीय स्थायी समितीचे सदस्य होते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.