Ram Mandir News : राम मंदिर प्राणप्रतिष्ठा सोहळ्याला चारही शंकराचार्य उपस्थित राहणार नाहीत, काय आहे कारण?

Ram Mandir News :

राम मंदिराच्या उद्घाटन समारंभाला चारही शंकराचार्य उपस्थित राहणार नसल्याची माहिती समोर येत आहे. मंदिर अद्याप पूर्णपणे निर्माण झालेले नाही, त्यामुळे बांधकाम पूर्ण न झालेल्या मंदिरात देव बसवणे धार्मिक नाही. आम्ही मोदीविरोधी नाही, पण आम्हाला धर्मविरोधीही व्हायचे नाही, असं शंकराचार्यांनी म्हटलं आहे.

ज्योतिर्मथ शंकराचार्य अविमुक्तेश्वरानंद सरस्वती यांनी सांगितले आहे की, देशातील चारही शंकराचार्य 22 जानेवारी रोजी होणाऱ्या प्राणप्रतिष्ठा कार्यक्रमात सहभागी होणार नाहीत. शंकराचार्य अविमुक्तेश्वरानंद सरस्वती यांच्या मते हा कार्यक्रम शास्त्रानुसार आयोजित केला जात नाहीये.

शंकराचार्य अविमुक्तेश्वरानंद यांचा एक व्हिडिओ सोशल मीडियावर शेअर होत आहे. या व्हिडीओमध्ये शंकराचार्य अविमुक्तेश्वरानंद म्हणत आहेत की, हे रामानंद पंथाचे मंदिर आहे तर चंपत राय तिथे काय करत आहेत. या लोकांनी तिथून दूर जावे. बाजूला होऊन रामानंद पंथाच्या हाती प्रतिष्ठा द्या.

मंदिर अद्याप बांधलेले नाही. अशी कोणतीही परिस्थिती नाही ज्यामुळे हे अभिषेक लवकर करावे लागेल. अशा परिस्थितीत योग्य क्षणाची आणि वेळेची वाट पाहिली पाहिजे. आम्ही मोदी विरोधी नाही पण आम्हाला धर्मशास्त्रविरोधीही व्हायचे नाही, असं त्यांनी म्हटलंय.