Assembly Election 2023 : तीन राज्यांच्या मुख्यमंत्रिपदासाठी भाजपच्या वरिष्ठांमध्ये खल सुरू, मध्य प्रदेशातील एक नाव जवळपास निश्चित!

Assembly Election News Update :

मध्य प्रदेश, राजस्थान आणि छत्तीसगड विधानसभा निवडणुकांमध्ये भाजपने ऐतिहासिक विजय नोंदवला आहे. या दणदणीत विजयानंतर या राज्यांमध्ये मुख्यमंत्रिपदी कोण विराजमान होणार याची चर्चा रंगू लागली आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भारतीय जनता पक्षाने या तीन राज्यांच्या मुख्यमंत्र्यांची नावे निश्चित केल्याचे सूत्रांकडून समजते. काल संध्याकाळी झालेल्या बैठकीत हा निर्णय घेण्यात आला आहे. मात्र भाजपने अद्याप ही नावे उघड केलेली नाहीत. (Latest Marathi News)

मध्य प्रदेशात शिवराज सिंह चौहान यांच्याच नावावर मुख्यमंत्रीपदासाठी शिक्कामोर्तब होऊ शकते. दोन उपमुख्यमंत्री होण्यावर मात्र अद्याप चर्चा नाही. राजस्थानमध्ये मुख्यमंत्री पदाच्या शर्यतीत वसुंधरा राजे आघाडीवर आहेत.

वसुंधरा राजे यांच्याशिवाय ओम माथूर, ओम बिर्ला, अर्जुनराम मेघवाल, महंत बालकनाथ यांचीही नावे भाजपच्या वरिष्ठ नेत्यांच्या विचारत आहेत. तर छत्तीसगडमध्ये गोमती साईंचे नाव मुख्यमंत्री पदासाठी आघाडीवर आहे. साई यांच्या सोबतच प्रदेशाध्यक्ष अरुण साव, ओपी चौधरी आणि विष्णू देव साई यांचीही नावे चर्चेत आहे.

तिन्ही राज्यांमधील भाजपची कामगिरी

मध्य प्रदेशात 163, राजस्थानमध्ये 115 आणि छत्तीसगडमध्ये 54 जागा जिंकून भाजपने इतिहास रचला आहे. तर तिन्ही राज्यात काँग्रेसला दारूण पराभवाला सामोरे जावे लागले.