Election Results 2023: 'एक्झिट पोल'चे अंदाज सपशेल चुकले; सर्व्हेत काँग्रेसला दाखवले विजयाचे स्वप्ने, पण...

Election Results 2023:

देशातील पाच राज्यांचे विधानसभा निवडणुकीचे निकाल जाहीर झाले आहेत. या पाच विधानसभा निवडणुकीत ३ राज्यात भाजपने यश मिळवलं आहे. पण 'एक्झिट पोल'चे अंदाजानुसार, मध्य प्रदेश,राजस्थानमध्ये भाजप काठावर पास होणार तर छत्तीसगड आणि तेलंगणामध्ये काँग्रेसला बहुमत मिळेल, असे म्हटले होते. मात्र, तेलंगणा वगळता ३ राज्यांमध्ये 'एक्झिट पोल'चे अंदाज फेल ठरले आहे. यानंतर 'एक्झिट पोल'च्या विश्वासार्हतेवर पुन्हा एकदा चर्चा सुरु झाली आहे. (Latest Marathi News)

मध्य प्रदेश

मीडिया वृत्तानुसार, मध्य प्रदेशमध्ये भाजपला सरासरी १०० ते ११५ जागा मिळेल अशी शक्यता वर्तविण्यात आली होती. त्याचबरोबर काँग्रेसलाही त्याचप्रमाणे जागा मिळतील, अशी शक्यता ' 'एक्झिट पोल'मध्ये वर्तविली होती. तसेच 'ॲक्सिस माय इंडिया' आणि 'टुडेज चाणक्य'ने भाजपला १४० ते १६३ जागा मिळेल असा अंदाज व्यक्त केला होता. मात्र, भाजपने विधानसभा निवडणुकीत १६३ जागा जिंकून 'एक्झिट पोल'चे अंदाज फेल ठरवले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

राजस्थान

भाजप आणि काँग्रेसला सरासरी ९० ते ११० जागा मिळण्याची अंदाज 'एक्झिट पोल'मध्ये वर्तविण्यात आला होता. 'जन की बात', 'मॅट्रिझ' आणि 'ईटीजी' यांच्या 'एक्झिट पोलमध्ये भाजपला बहुमत मिळेल असा अंदाज वर्तविला होता. त्यांनी भाजपला १०० ते ११८ सरासरी जागा मिळतील असा अंदाज वर्तवला होता. मात्र, प्रत्यक्षात भाजपने ११५ जागा जिंकल्या.

छत्तीसगड

छत्तीसगडमध्ये काँग्रेसला एका 'एक्झिट पोल'चा अंदाज सोडला तर सर्वच 'पोल'ने ४५ ते ५० जागा जिंकतील, असा अंदाज वर्तविला होता. मात्र, ‘जन की बात’ने भाजपला ४२ ते ५३ जागा मिळतील,असा अंदाज व्यक्त केला होता. प्रत्यक्षात भाजपने ५४ जागा जिंकल्या.

तेलंगणा

तेलंगणामध्ये एक 'एक्झिट पोल' साडून बाकी सर्वच पोलमध्ये काँग्रेसचे सरकार येणार असल्याचं म्हटलं होतं. पाेलट्रॅटने काँग्रेस आणि बीआरएसला ४७ ते ५७ जागा मिळतील असा अंदाज व्यक्त केला होता. प्रत्यक्षात तेलंगणात काँग्रेसला ६४ जागा मिळाल्या. मात्र, बीआरएसचे सरकार जाणार असल्याचा ' एक्झिट पोल' खरा ठरला.