पाणीपुरी म्हटलं की, अनेकांच्या तोंडाला पाणी सुटतं. रस्त्यावर पाणीपुरीचा ठेला दिसला की ती खाण्यासाठी अनेकांची गर्दी होते. पण उघड्यावर मिळणारे पदार्थ खाल्ल्याने कधी कधी आरोग्याला त्रास होऊ शकतो. उत्तर प्रदेशातील सिद्धार्थनगर जिल्ह्यात अशीच एक घटना घडलीये. खेसरहा पोलीस ठाण्याच्या हद्दीतील कल्लाखोर आणि पेडारी या दोन गावांमध्ये पाणीपुरी खाल्ल्याने १५० हून अधिक जणांना विषबाधा झाली आहे.
शुक्रवारी संध्याकाळी घडलेल्या या प्रकारानंतर उलट्या आणि जुलाबाचा त्रास झालेल्या २५ जणांना मेडिकल कॉलेजमध्ये दाखल करण्यात आलंय. यामध्ये लहान मुलांचाही समावेश आहे. डॉक्टरांनी दिलेल्या माहितीनुसार, सर्व रुग्णांची प्रकृती धोक्याबाहेर आहे.
पाणीपुरी खाल्ल्यानंतर लगेच कोणालाही त्रास झाला नाही. परंतु रात्री अचानक पाणीपुरी खाल्लेल्या लोकांना उलट्या आणि जुलाब सुरू झाले. काही वेळातच दोन्ही गावांतील अनेकांची तब्येत बिघडली.
मध्यरात्रीपर्यंत दोन्ही गावांमध्ये गोंधळाचं वातावरण निर्माण झालं. उलट्या आणि जुलाबाचा त्रास होणाऱ्या लोकांची संख्या वाढतच होती. शनिवार सकाळपर्यंत १५० हून अधिक जण आजारी पडले.
यातील काही जणांनी गावातील खासगी डॉक्टरांकडून औषधं घेतली तर काहींनी मेडिकल स्टोअरमधून औषधे खरेदी करून खाल्ली. काही जणांनी स्थानिक डॉक्टरांकडे उपचार घेतले. औषधं घेतल्यानंतर अनेकांना आराम मिळाला. मात्र २५ हून अधिक जणांची प्रकृती सुधारत नव्हती.
या घटनेची माहिती ग्रामप्रधान आदित्य प्रताप सिंह यांना मिळाली. त्यांनी तातडीने बसची व्यवस्था केली आणि आजारी लोकांना मेडिकल कॉलेजमध्ये पाठवलं. त्याठिकाणी २५ रुग्णांना दाखल करण्यात आलंय. यामध्ये लहान मुलांचाही समावेश आहे. सीएमएस यांच्या देखरेखीखाली आरोग्य कर्मचारी रुग्णांवर उपचार करत आहेत.
मेडिकल कॉलेजचे सीएमएस डॉ. एस.एन. उपाध्याय यांनी दिलेल्या माहितीनुसार, सर्व रुग्णांची प्रकृती धोक्याबाहेर आहे.
पाणीपुरी खाल्ल्याने विषबाधा झाल्याची माहिती मिळताच सीएमओ डॉ. संजय दोहरे यांनी कल्लाखोर आणि पेडारी या दोन्ही गावांना भेट दिली. त्यांनी आजारी लोकांची भेट घेऊन त्यांच्या तब्येतीची विचारपूस केली. तसंच त्यांना नेमका कोणता त्रास होतोय याची माहिती घेतली. गावातील पाहणीदरम्यान रुग्णांची प्रकृती ठीक असल्याचं सीएमओंनी सांगितलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.