मुंबई: आईचं दूध हे बाळासाठी अमृतासमान असतं. बाळाच्या जन्मानंतर जवळपास सहा महिने बाळाला फक्त आईचं दूधच पाजलं जातं. सध्या अमेरिकेत फार्म्युला मिल्कचा प्रचंड तुटवडा आहे. अशात अमेरिकेतील (USA) एका महिलेने स्वतःच्या दूधाचा (Breast Milk) साठा करुन ते दूध विकण्यास सुरुवात केली आहे. या महिलेने आपल्या घरात तब्बल ११८ लिटर दूधाचा साठा केला आहे. एलिसा चिट्टी (Alyssa Chitti) असं या महिलेचं नाव तिने आपलं दूध १ औंस (पाऊंड) १ डॉलरला विकण्याचा निर्णय घेतला आहे. तसंच ज्या मातांची आर्थिक परिस्थिची कमकुवत आहे अशांसाठी ती दूधाची किंमत कमी करु शकते असं तिने एका अमेरिकन चॅनेलला दिलेल्या मुलाखतीत सांगितलं. (Woman selling 118 litres of her own breast milk to help families amid 'infant formula crisis' in US)
हे देखील पाहा -
जगातला सर्वात शक्तिशाली आणि महासत्ता असलेला देश सध्या बाळासाठी लागणाऱ्या दूधाला (Formula Milk Powder) तरसला आहे. होयं. अमेरिकेत सध्या ब्रेस्ट मिल्क म्हणजे फॉर्मुला मिल्कचा अमेरिकेत प्रचंड तुटवडा झाला आहे. व्यस्त दिनचर्येमुळे, वैद्यकीय किंवा इतर कारणांमुळे अमेरिकेतील अनेक महिला या आपल्या बाळाला स्वतःचं दूध पाजण्यास (स्तनपान) असमर्थ आहेत. त्यामुळे अमेरिकेत आईच्या दुधाची प्रचंड मागणी आहे. अशात एलिसा (Alyssa Chitti) ही महिला अमेरिकेतील महिलांना दूध पुरवत आहे.
फॉर्म्युला दूध पावडर (Formula milk)
नवजात बाळासाठी आहार म्हणून आईचे दूध हेच सर्वात चांगले असते, परंतु काहीवेळा अनेक नवजात बालके ही काही कारणास्तव आईच्या दुधापासून वंचित राहू शकतात. अशावेळी त्या बाळाला फॉर्म्युला दूध दिले जाते. इन्फंट फॉर्म्युला किंवा बेबी फॉर्म्युला १२ महिन्यांपेक्षा कमी वयाच्या बाळांना दिले जाणारे अन्न आहे. हे सहसा पावडर (पाण्यात मिसळून) किंवा द्रव (अतिरिक्त पाण्यासह किंवा त्याशिवाय) तयार केले जाते.
फॉक्स 13 वृत्तवाहिनीला दिलेल्या मुलाखतीत, एलिसा चिट्टीने उघड केले की तिच्याकडे आईच्या दुधाने (ब्रेस्ट मिल्कने) भरलेले तीन फ्रीझर्स आहेत म्हणून मी दुसर्‍याला मदत करू शकेन. मला माहित आहे की माझ्याकडे 3,000 औंस दूधाचा साठा आहे. मीडिया रिपोर्ट्सनुसार, एलिसा चिट्टीने प्रथम ब्रेस्ट मिल्क दान करण्याचा निर्णय घेतला. मात्र दीर्घ प्रक्रियेमुळे, तिने तिच्या आईच्या दुधाची किंमत प्रति औंस $1 ठेवली. परंतु त्या महिलेने असेही सांगितले की ती इतर पालकांशी संवाद साधण्यास तयार आहे कारण तिला समजते की देशात बाळाच्या फॉर्म्युलाच्या कमतरतेमध्ये काय परिस्थिती आहे.
एलिसाला मुलांच्या या समस्येचे दुखणे समजले आहे. तिने सांगितले की काही बाळांना पोट खराब झाल्यावर फॉर्म्युला मिल्क आवश्यक आहे. जेव्हा ते नाराज असतात तेव्हा ते किती कठीण असते हे मला माहीत आहे. पोटदुखीवर तुम्ही काहीही करू शकत नाही. चिट्टी म्हणाली की तिच्या स्वतःची मुलालाही अशा परिस्थिती हाताळणे किती कठीण आहे हे तिला माहित आहे.
Fox 13 ला मुलाखत दिल्यानंतर काही दिवसांनी, चिट्टीला तिच्या निर्णयाबद्दल नकारात्मक प्रतिक्रिया येऊ लागल्या, ज्यामुळे तिने ब्रेस्ट विकणे बंद केले. परंतु हे लक्षात घेणे महत्त्वाचे आहे की यूएसमध्ये आईच्या दुधाची ऑनलाइन खरेदी आणि विक्री पूर्णपणे कायदेशीर आहे. अन्न आणि औषध प्रशासनाच्या (एफडीए) आदेशाचा हवाला देऊन, मीडिया आउटलेटने सांगितले की जेव्हा मानवी दूध थेट व्यक्तींकडून किंवा इंटरनेटद्वारे मिळवले जाते. मात्र याच ब्रेस्ट मिल्क डोनर असलेल्या महिलेची संसर्गजन्य रोग किंवा इतर धोक्यांसाठी चाचणी केली जात नाही त्यामुळे काहीवेळा ते नुकसानकारक असू शकते.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
