आजची रात्र, आखाती युद्धातील काळरात्र ? जगाला हादरा बसणार?

इराण आणि अमेरिका, इस्रायलमधील य़ुद्ध आता निर्णायक वळणावर पोहचलयं...खामेनींच्या मृत्यूनंतर पेटलेला युद्धाचा वणवा विझण्याऐवजी आणखीनच भडकताना दिसतोय... खामेनी आय आर या एक्स हँण्डलवरून अमेरिकेविरोधात पहिली पोस्ट शेअर करण्यात आलीय..हे एक्स अकाउंट आयतुल्ला खामेनीचं आहे.या त एक फोटो आहे.. ज्यात क्षेपणास्त्राच्या निर्मितीपासून ते क्षेपणास्त्राच्या वापरापर्यंतच्या टप्प्याची प्रक्रिया दाखवण्यात आलीय..हा इराणचा अमेरिकेला क्षेपणास्त्र हल्ल्याचा स्पष्ट इशारा असल्याचं म्हटलं जातंय..

झियोनिस्ट राजवटीने मोठी चूक केलीय. याचे गंभीर परिणाम त्यांना भोगावे लागतील, असं ही या पोस्टमध्ये लिहिलं आहे. तर इराणचे उप परराष्ट्रमंत्र्यांनी ही अमेरिका आणि इस्त्रायलविरोधात शेवटची गोळी आणि सैनिक असेपर्यंत लढणार, असा निर्धार व्यक्त केलाय. एकीकडे इराणने हा इशारा दिलेला असतानाच दुसरीकडे अमेरिकेचे ट्रेझरी सचिव स्कॉट बेसेंट यांनी आजची रात्र ही इराणसाठी काळरात्र असेल अशी धमकी दिलीय...

अमेरिकेनं सैन्यानं इराणवरील कारवाई अधिक तीव्र करण्याचा निर्णय घेतलाय... आज मध्यरात्री इराणवर मोठा हल्ला केला जाऊ शकतो... हा आतापर्यंतचा सर्वात मोठा बॉम्ब हल्ला असेल... हा हल्ला इराणी क्षेपणास्त्र, लॉन्चर आणि क्षेपणास्त्र बनवणाऱ्या कारखान्यांवर असेल..

हल्ल्याचे इशारे दोन्ही देशांकडून दिले जात असतानाच ट्रम्प यांनी अमेरिकेतील शस्त्रास्त्र निर्मिती कंपन्यांची बैठक घेतलीय...या बैठकीत ट्रम्प यांनी बोईंग, BAE सिस्टम, L3Harris मिसाईलचं उत्पादन चौपट करण्याचे आदेश दिलेत.. त्यामुळे इराणला बेचिराख केल्याशिवाय किंवा इराणमध्ये तख्तापलट केल्याशिवाय हे युद्ध थांबणार नाही, हेच संकेत मिळतायत..मात्र इराणही निकाराला आल्यानं या युद्धात संपूर्ण जगाचीच होरपळ होत राहणार, हे निश्चित....