इराण-इस्त्रायल यांच्यात संघर्ष सुरू असताना आता अमेरिकेनंही इराणवर भीषण हल्ला केलाय. त्यामुळे आखातातील तणाव पुन्हा एकदा टोकाला गेलाय. होर्मुझ जलमार्गाजवळ इराणनं केलेल्या हवाई हल्ल्यात अमेरिकेचं अत्याधुनिक अपाचे लढाऊ हेलिकॉप्टर पाडण्यात आलं होतं. या हल्ल्यानंतर चवताळलेल्या डोनाल्ड ट्रम्प यांनी काही तासांतच इराणवर कारवाई करण्याचे आदेश दिले. ट्रम्प यांच्या आदेशानंतर अमेरिकन सैन्यानं इराणच्या अनेक ठिकाणांवर हवाई हल्ले सुरू केले आहेत...
अमेरिकेकडून इराणच्या होर्मोझगान प्रांत, केशम बेट, बंदर अब्बास, सीरिक, जास्क येथील रडार तळांना लक्ष्य करण्यात येतंय.
दरम्यान, अमेरिकेच्या या हल्ल्यांमुळे संतापलेल्या इराणनंही चोख प्रत्युत्तर देण्याचा इशारा दिल्यानं मध्य-पूर्वेत तणावाची परिस्थिती निर्माण झालीये. अमेरिकेनं जर आमच्यावर लष्करी कारवाई करण्याचा प्रयत्न केला तर त्याला सडेतोड उत्तर देण्याचा इशारा इराणनं दिलाय. इतकंच नव्हे तर इराकच्या हवाई हद्दीत इराणचे आत्मघाती ड्रोन दिसल्याची माहितीही समोर आलीये. त्यामुळे पुन्हा आखाती युद्ध भडकण्याची चिन्ह आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.